Жарқўрғон тумани ИИБда 2024 йилнинг 12 ойи давомида туман ИИБ хизмат фаолияти натижаларида эришилган ютуқлари, йўл қўйилган хато-камчиликлари, шунингдек, жамоат тартибини сақлаш, хуқуқбузарлик ва жиноятчиликнинг барвақт олдини олиш борасидаги амалга оширилган ишлар ҳамда келгусидаги вазифалар юзасидан Сурхондарё вилояти ИИБ бошлиғи ўринбосари, Шерзод Шадиев ҳузурида тезкор йиғилиш бўлиб ўтди.

Йиғилишда, Жарқўрғон тумани ИИБда ўтган йилнинг ўн икки ойи давомида, туман ҳудудида содир этилган жиноятлар, эришилган ютуқлар юзасидан туман ИИБ бошлиғи биринчи ўринбосарининг ахбороти тингланди. Келтирилган ахборотда иш кўрсаткичи паст бўлган ички ишлар органлари ходимларининг хизмат фаолияти танқидий-таҳлил қилинди.

Шунингдек, ходимларга фуқароларнинг мурожаатларини ўрганиш, коррупцион ҳолатларни олдини олиш ва жиноятчилик ва ҳуқуқбузарликларга қарши курашиш жараёнида шахсий хавфсизлик қоидаларига амал қилишлари лозимлиги юзасидан тушунтириш ишлари олиб борилди.  

Йиғилиш якунида, хизмат фаолияти давомида хизматдошларига намуна кўрсатиб келаётганлиги ҳамда 14 январ Ватан ҳимоячилари куни муносабати билан бир гуруҳ ходимларга китоблар тўплами тантанали равишда топширилди.