Jarqo‘rg‘on tumani IIBda 2024 yilning 12 oyi davomida tuman IIB xizmat faoliyati natijalarida erishilgan yutuqlari, yo‘l qo‘yilgan xato-kamchiliklari, shuningdek, jamoat tartibini saqlash, xuquqbuzarlik va jinoyatchilikning barvaqt oldini olish borasidagi amalga oshirilgan ishlar hamda kelgusidagi vazifalar yuzasidan Surxondaryo viloyati IIB boshlig‘i o‘rinbosari, Sherzod Shadiev huzurida tezkor yig‘ilish bo‘lib o‘tdi.

Yig‘ilishda, Jarqo‘rg‘on tumani IIBda o‘tgan yilning o‘n ikki oyi davomida, tuman hududida sodir etilgan jinoyatlar, erishilgan yutuqlar yuzasidan tuman IIB boshlig‘i birinchi o‘rinbosarining axboroti tinglandi. Keltirilgan axborotda ish ko‘rsatkichi past bo‘lgan ichki ishlar organlari xodimlarining xizmat faoliyati tanqidiy-tahlil qilindi.

Shuningdek, xodimlarga fuqarolarning murojaatlarini o‘rganish, korrupsion holatlarni oldini olish va jinoyatchilik va huquqbuzarliklarga qarshi kurashish jarayonida shaxsiy xavfsizlik qoidalariga amal qilishlari lozimligi yuzasidan tushuntirish ishlari olib borildi.  

Yig‘ilish yakunida, xizmat faoliyati davomida xizmatdoshlariga namuna ko‘rsatib kelayotganligi hamda 14 yanvar Vatan himoyachilari kuni munosabati bilan bir guruh xodimlarga kitoblar to‘plami tantanali ravishda topshirildi.