Куни кеча вилоят Матбуот уйи биносида, Сурхондарё вилояти ИИБ Миграция ва фуқароликни расмийлаштириш бошқармаси, Ўзбекистон Республикаси Давлат хавфсизлик хизматининг Сурхондарё вилояти бўйича бошқармаси ҳамда Сурхондарё вилоят Туризм ва Маданий Меърос бош бошқармаси ходимлари иштирокида вилоят ҳудудида фаолият юритиб келаётган жойлаштириш воситалари (меҳмонхоналар, спа-меҳмонхоналар, мотеллар, дам олиш уйлари ва оилавий меҳмон уйлари ва бошқа объектлар) мутасадди раҳбарлари, Оммавий ахборот воситалари вакиллари, блогерлар иштирокида Матбуот анжумани ташкил этилди.

Ўтказилган Матбуот анжуманида Ўзбекистон Республикаси Вазирлар Маҳкамасининг 2020 йил 28 сентябрь кунидаги “Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида”ги Қарори мазмун-моҳияти ҳақида сўз юритилди.

Мазкур Қарор талабларига кўра жойлаштириш воситалари “Е-меҳмон” электрон дастури орқали ташриф буюраётган шахсларни белгиланган тартибда қабул қилиш ва вақтинчалик рўйхатга олиш шунингдек, уларнинг республика ҳудудида ҳаракатланиш тартиби, келгусида уларга тегишли шарт-шароитлар яратиш юзасидан тушунтириш ва тарғибот ишлари олиб борилди.

Тадбир якунида, иштирокчилар ҳамда оммавий ахборот воситалари вакиллари ўзларини қизиқтирган саволларига мутахассислар томонидан жавоблар олишди.