“Ўзбекистон ёшлари бирлашайлик” шиори остида “Брейн Ринг” интеллектуал ўйини ўтказилди.
“Ўзбекистон
ёшлари бирлашайлик” шиори остида “Ёшлар ойлиги” доирасида Ўзбекистон ёшлар
иттифоқи Сурхондаре вилояти Кенгаши томонидан вилоятдаги Куч тузилмаларидаги ёш
ҳарбий хизматчилар ўртасида “Брейн Ринг” интеллектуал ўйини ўтказилди.
Интеллектуал
ўйин Ўзбекистон Республикаси Қуролли Кучлар тизимидаги ёшларимизнинг ижодий ва
интеллектуал салоҳиятларини янада ошириш, уларнинг касбий савиясини юксалтириш,
шунингдек ҳарбий хизматчиларни китобхонликка бўлган қизиқишларини янада ошириш,
буюк аждодларимизнинг бой тарихий меросларини ўрганиш мақсадида мунтазам
ўтказиб келинади.
Бу галги ўтказилган
тадбирда вилоятдаги олтита куч тузилмаларидан таркиб топган 6 та жамоа ғолиблик
учун кураш олиб боришди. Қизғин кечган баҳс мунозаралар, бир биридан қизиқарли
ва инсонни фикрлашга, ҳар томонлама синовдан ўтказувчи мантиқий саволлар ёшлар
томонидан берилган жавоблар ҳозирги кунда ёшларни интелектуал салоҳиятли, кенг
дунё қарашли эканликлари яна бир бор ўз исботини топди. Мусобақанинг якуний
натижаларига кўра 3-ўринни вилоят Божхона бошқармаси, 2-ўринни Чегара
қушинларининг “Сархад” жамоаси, 1-ўринни вилоят Ички ишлар жамоаси қўлга
киритди.
Ғолиб бўлган
жамоаларга ташкилотчиларнинг диплом ҳамда эсдалик совғалари топширилди.
