“O‘zbekiston yoshlari birlashaylik” shiori ostida “Yoshlar oyligi” doirasida O‘zbekiston yoshlar ittifoqi Surxondare viloyati Kengashi tomonidan viloyatdagi Kuch tuzilmalaridagi yosh harbiy xizmatchilar o‘rtasida “Breyn Ring” intellektual o‘yini o‘tkazildi.

Intellektual o‘yin O‘zbekiston Respublikasi Qurolli Kuchlar tizimidagi yoshlarimizning ijodiy va intellektual salohiyatlarini yanada oshirish, ularning kasbiy saviyasini yuksaltirish, shuningdek harbiy xizmatchilarni kitobxonlikka bo‘lgan qiziqishlarini yanada oshirish, buyuk ajdodlarimizning boy tarixiy meroslarini o‘rganish maqsadida muntazam o‘tkazib kelinadi.

Bu galgi o‘tkazilgan tadbirda viloyatdagi oltita kuch tuzilmalaridan tarkib topgan 6 ta jamoa g‘oliblik uchun kurash olib borishdi. Qizg‘in kechgan bahs munozaralar, bir biridan qiziqarli va insonni fikrlashga, har tomonlama sinovdan o‘tkazuvchi mantiqiy savollar yoshlar tomonidan berilgan javoblar hozirgi kunda yoshlarni intelektual salohiyatli, keng dunyo qarashli ekanliklari yana bir bor o‘z isbotini topdi. Musobaqaning yakuniy natijalariga ko‘ra 3-o‘rinni viloyat Bojxona boshqarmasi, 2-o‘rinni Chegara qushinlarining “Sarxad” jamoasi, 1-o‘rinni viloyat Ichki ishlar jamoasi qo‘lga kiritdi.

G‘olib bo‘lgan jamoalarga tashkilotchilarning diplom hamda esdalik sovg‘alari topshirildi.