Заковатли ходимлар беллашди
Жорий йилнинг 12 июнь куни вилоят Матбуот уйи биносида вилоят ички ишлар органлари ходимлари ўртасида “Заковат” интеллектуал ўйинларининг ҳудудий саралаш босқичи ўтказилди.
Унда вилоят ички ишлар бошқармаси ҳамда шаҳар туман ички ишлар органлари ходимларидан тузилган жами 16 та жамоа иштирок этиб, мазкур жамоалар иштирокидаги баҳслар муросасиз кечди. Беллашувлар натижасига кўра фахрли 3-ўринни, Музработ тумани Ички ишлар бўлимининг “Ёшлар” жамоаси, 2-ўринни вилоят Ички ишлар бошқармасининг “Капитанлар” жамоаси ҳамда 1-ўринни вилоят Ички ишлар бошқармасининг “Тўмарис” жамоаси қўлга киритди.
Мусобақанинг ғолиб ва совриндорлари бошқарма бошлиғининг диплом, китоблар жамланмаси ҳамда эсдалик совғалари билан тақдирландилар. Бу каби интеллектуал ўйинларнинг ташкил этилиши ички ишлар органлари ходимларининг билим ва салоҳиятини интеллектуал қобиляти шунингдек, ҳозиржавоблигини оширишга хизмат қилиши билан биргаликда ходимларнинг ўз устида ишлашлари, китоб ўқишга бўлган қизиқишларини янада оширишга хизмат қилади.
Сурхондарё вилояти ИИБ Ахборот хизмати
