Zakovatli xodimlar bellashdi
Joriy yilning 12 iyun kuni viloyat matbuot uyi binosida viloyat ichki ishlar organlari xodimlari o'rtasida "Zakovat" intellektual o'yinlarining hududiy saralash bosqichi o'tkazildi.
Unda viloyat ichki ishlar boshqarmasi hamda shahar tuman ichki ishlar organlari xodimlaridan tuzilgan jami 16 ta jamoa ishtirok etib, mazkur jamoalar ishtirokidagi bahslar murosasiz kechdi. Bellashuvlar natijasiga ko'ra faxrli 3-o'rinni, Muzrabot tumani ichki ishlar bo'limining "yoshlar" jamoasi, 2-o'rinni viloyat ichki ishlar boshqarmasining "kapitanlar" jamoasi hamda 1-o'rinni viloyat ichki ishlar boshqarmasining "To'maris" jamoasi qo'lga kiritdi.
Musobaqaning g'olib va sovrindorlari boshqarma boshlig'ining diplom, kitoblar jamlanmasi hamda esdalik sovg'alari bilan taqdirlandilar. Bu kabi intellektual o'yinlarning tashkil etilishi ichki ishlar organlari xodimlarining bilim va salohiyatini intellektual qobilyati shuningdek, hozirjavobligini oshirishga xizmat qilishi bilan birgalikda xodimlarning o'z ustida ishlashlari, kitob o'qishga bo'lgan qiziqishlarini yanada oshirishga xizmat qiladi.
Surxondaryo viloyati IIB axborot xizmati
