Сурхондарё вилоятида 17 ёшгача бўлган ёшларнинг ёзги таътил давомида бўш вақтларини мазмунли ўтказиш ҳамда спортнинг волейбол турини ривожлантириш мақсадида Республиканинг барча ҳудудида яшовчи 14-17 ёшгача бўлган ўғил ва қизлар ўртасида спортнинг волейбол тури бўйича Ички ишлар вазирининг кубоги мусобоқалари ўтказилиши белгиланган. Шу муносабат билан Сурхондарё вилояти ҳудудидаги барча шаҳар-туманлардаги маҳаллаларда яшовчи ёшлар орасидан ташкил топган волейбол жамолари беллашди.

Натижада, маҳаллалар миқёсида бўлиб ўтган мусобақаларда ғолиб бўлган ёшлар туман босқичларида қатнашиш ҳуқуқини қўлга киритди.

Туман-шаҳар босқичлари 3-минтақавий ҳудудларга бўлиниб, унга кўра, Денов тумани Жомий маҳалласи ҳудудида жойлашган спорт мажмуасида Денов, Сариосиё, Узун, Шўрчи ҳамда Олтинсой туманлари ёшлари ўртасида бўлиб ўтди. Ушбу ўтказилган мусобақада йигитлар ўртасида Олтинсой тумани ёшлари қизлар ўртасида эса Денов тумани ёшлари қолган тенгқурларига нисбатан кучли ўйин кўрсатиб, вилоят босқичида иштирок этиш ҳуқуқини қўлга киритди.

 2-минтақвий ҳудуд ўйинлари Термиз шаҳар 26-сон мактаб спорт мажмуасида ўтказилиб, ушбу мусобақада Термиз шаҳар, Термиз туман, Музрабод, Қумқўрғон, Жарқўрғон тумани ёшлари қатнашишди. Унда Музработ туман ёшлари  ғолиб бўлишди.

3-минтақавий ҳудуд ўйинлари Шеробод тумани марказида жойлашган спорт мажмуасида ташкиллаштирилди. Ушбу ўтказилган мусобақаларда Шеробод, Бойсун, Қизириқ, Бандихон, Ангор тумани ёшлари ўзаро куч синашди ва  Шеробод тумани жамоаларининг қўли баланд келди.

Вилоятимиз ҳудудида 3 та минтақага бўлиниб фахрли 1-ўринларни қўлга киритган 6 та жамоа бугун вилоят босқичида ўзаро куч синашди.

1,2,3-минтақавий ҳудудларга бўлиниб, ўтказилган мусобақаларда ғолиб бўлган Олтинсой (ўғил), Денов (қиз), Шеробод (ўғил, қиз), Музработ (ўғил, қиз) жамоалари ўртасида мусобақалар қизғин ва шиддатли тарзда ўтказилиб, Шеробод туманида ташриф буюрган ёшлар (ўғил,қиз) жамоаси фахрли биринчи ўринни эгаллади.

Олтинсой тумани (ўғил) жамоаси фахрли иккинчи ўринни эгаллади.

Музработ тумани ёшлари (ўғил) фахрли 3-ўринди эгаллади.

Қизлар ўртасида фахрли иккинчи ўрин Музработ тумани ёшларига насиб этган бўлса, 3-ўрин Денов туманидан келган ёшларга насиб қилди.

Мусобақа қатнашчиларига ва фахрли ўринни эгаллаган ёшларга пул мукофотлари ва қиматбаҳо совғалар Сурхондарё вилояти ИИБ бошлиғи полковник А.С.Исмоилов томонидан топширилди.

Ғолиб жамоа Қашқадарё вилоятида бўлиб ўтадиган мусобақанинг минтақавий босқичида иштирок этади.