Surxondaryo viloyatida 17 yoshgacha bo‘lgan yoshlarning yozgi ta’til davomida bo‘sh vaqtlarini mazmunli o‘tkazish hamda sportning voleybol turini rivojlantirish maqsadida Respublikaning barcha hududida yashovchi 14-17 yoshgacha bo‘lgan o‘g‘il va qizlar o‘rtasida sportning voleybol turi bo‘yicha Ichki ishlar vazirining kubogi musoboqalari o‘tkazilishi belgilangan. Shu munosabat bilan Surxondaryo viloyati hududidagi barcha shahar-tumanlardagi mahallalarda yashovchi yoshlar orasidan tashkil topgan voleybol jamolari bellashdi.

Natijada, mahallalar miqyosida bo‘lib o‘tgan musobaqalarda g‘olib bo‘lgan yoshlar tuman bosqichlarida qatnashish huquqini qo‘lga kiritdi.

Tuman-shahar bosqichlari 3-mintaqaviy hududlarga bo‘linib, unga ko‘ra, Denov tumani Jomiy mahallasi hududida joylashgan sport majmuasida Denov, Sariosiyo, Uzun, Sho‘rchi hamda Oltinsoy tumanlari yoshlari o‘rtasida bo‘lib o‘tdi. Ushbu o‘tkazilgan musobaqada yigitlar o‘rtasida Oltinsoy tumani yoshlari qizlar o‘rtasida esa Denov tumani yoshlari qolgan tengqurlariga nisbatan kuchli o‘yin ko‘rsatib, viloyat bosqichida ishtirok etish huquqini qo‘lga kiritdi.

 2-mintaqviy hudud o‘yinlari Termiz shahar 26-son maktab sport majmuasida o‘tkazilib, ushbu musobaqada Termiz shahar, Termiz tuman, Muzrabod, Qumqo‘rg‘on, Jarqo‘rg‘on tumani yoshlari qatnashishdi. Unda Muzrabot tuman yoshlari  g‘olib bo‘lishdi.

3-mintaqaviy hudud o‘yinlari Sherobod tumani markazida joylashgan sport majmuasida tashkillashtirildi. Ushbu o‘tkazilgan musobaqalarda Sherobod, Boysun, Qiziriq, Bandixon, Angor tumani yoshlari o‘zaro kuch sinashdi va  Sherobod tumani jamoalarining qo‘li baland keldi.

Viloyatimiz hududida 3 ta mintaqaga bo‘linib faxrli 1-o‘rinlarni qo‘lga kiritgan 6 ta jamoa bugun viloyat bosqichida o‘zaro kuch sinashdi.

1,2,3-mintaqaviy hududlarga bo‘linib, o‘tkazilgan musobaqalarda g‘olib bo‘lgan Oltinsoy (o‘g‘il), Denov (qiz), Sherobod (o‘g‘il, qiz), Muzrabot (o‘g‘il, qiz) jamoalari o‘rtasida musobaqalar qizg‘in va shiddatli tarzda o‘tkazilib, Sherobod tumanida tashrif buyurgan yoshlar (o‘g‘il,qiz) jamoasi faxrli birinchi o‘rinni egalladi.

Oltinsoy tumani (o‘g‘il) jamoasi faxrli ikkinchi o‘rinni egalladi.

Muzrabot tumani yoshlari (o‘g‘il) faxrli 3-o‘rindi egalladi.

Qizlar o‘rtasida faxrli ikkinchi o‘rin Muzrabot tumani yoshlariga nasib etgan bo‘lsa, 3-o‘rin Denov tumanidan kelgan yoshlarga nasib qildi.

Musobaqa qatnashchilariga va faxrli o‘rinni egallagan yoshlarga pul mukofotlari va qimatbaho sovg‘alar Surxondaryo viloyati IIB boshlig‘i polkovnik A.S.Ismoilov tomonidan topshirildi.

G‘olib jamoa Qashqadaryo viloyatida bo‘lib o‘tadigan musobaqaning mintaqaviy bosqichida ishtirok etadi