Ички ишлар вазири ўринбосари Б.Ю.Мирзарахимов бошчилигидаги ишчи гуруҳ аъзолари куннинг иккинчи ярмида Сурхондарё вилоятидаги ўрганиш ишларини давом эттириб, вилоят ИИБ Жамоат хавфсизлиги хизмати Ҳуқуқбузарликлар профилактикаси бошқармаси вояга yeтмаганларга ижтимоий ҳуқуқий ёрдам кўрсатиш марказида бўлди.

Марказда вояга yeтмаганлар билан самарали иш олиб борилаётгани ва уларнинг ота-оналари билан ўтказилаётган профилактик суҳбатлар болаларни оила бағрига қайтармоқда. Нотинч ва низоли вазиятларга барҳам берилиб, фарзандининг тақдирига бефарқ бўлган ота-оналарга ҳам тегишли чоралар кўрилаётир. Ишчи гуруҳ вакиллари марказ ходимлари фаолиятини ўрганиб, улар амалга ошираётган ишларни таҳлил қилди. Вояга етмаганлар учун яратилган шароитлар кўздан кечирилди. Вояга етмаган шахслар билан суҳбатлашди. 24 ўринга мўлжалланган  марказда 8 нафар ходим ва 5 нафар тарбиячи хизмат олиб бормоқда.

Вазир ўринбосари Б.Ю.Мирзарахимов бошчилигидаги ишчи гуруҳ Республика ихтисослаштирилган наркология илмий-амалий таббиёт маркази Сурхондарё вилоят филиалида ташкил этилган алькогол мастлик ҳолати бўлган шахсларни реабилитация қилиш бўлинмаси (хушёрхона) фаолияти билан ҳам атрофлича танишди. 22 ўринга мўлжалланган хушёрхонада 13 нафар тиббиёт ходими хизмат кўрсатмоқда. Бино Миллий гвардия қўриқлаш бошқармасининг қўриқловига олинган.

Ўрганишлар чоғида шунингдек, Термиз тумани ҳудудидаги маҳаллалар ҳам ишчи гуруҳ эътиборидан четда қолмади. Туманда 23 та маҳалла мавжуд. Уларнинг 9 таси ёки 30 фоизи “қизил”, 14 таси ёки 46,7 фоизи “сариқ” ва 7 таси ёки 23,3 фоизи “яшил” тоифага ажратилган. Жумладан, “Қизил” тоифадаги “Солиобод” маҳалласи ўрганилиб, жиноят ва хуқуқбузарликларнинг барвақт олдини олиш борасида амалга оширилаётган ишлар билан танишди. Туман сектор раҳбарлари иштирокида маҳалла фуқаролар йиғини бешлиги билан суҳбатлашди. Ҳуқуқбузарликлар ва жиноятчиликни жиловлаш юзасидан таклиф ҳамда тавсиялар билдирилди.

Ишчи гуруҳнинг ўрганиш ишлари давом этмоқда.

Сурхондарё вилояти ИИБ Ахборот хизмати