Ichki ishlar vaziri o‘rinbosari B.Yu.Mirzaraximov boshchiligidagi ishchi guruh a’zolari kunning ikkinchi yarmida Surxondaryo viloyatidagi o‘rganish ishlarini davom ettirib, viloyat IIB Jamoat xavfsizligi xizmati Huquqbuzarliklar profilaktikasi boshqarmasi voyaga yetmaganlarga ijtimoiy huquqiy yordam ko‘rsatish markazida bo‘ldi.

Markazda voyaga yetmaganlar bilan samarali ish olib borilayotgani va ularning ota-onalari bilan o‘tkazilayotgan profilaktik suhbatlar bolalarni oila bag‘riga qaytarmoqda. Notinch va nizoli vaziyatlarga barham berilib, farzandining taqdiriga befarq bo‘lgan ota-onalarga ham tegishli choralar ko‘rilayotir. Ishchi guruh vakillari markaz xodimlari faoliyatini o‘rganib, ular amalga oshirayotgan ishlarni tahlil qildi. Voyaga yetmaganlar uchun yaratilgan sharoitlar ko‘zdan kechirildi. Voyaga yetmagan shaxslar bilan suhbatlashdi. 24 o‘ringa mo‘ljallangan  markazda 8 nafar xodim va 5 nafar tarbiyachi xizmat olib bormoqda.

Vazir o‘rinbosari B.Yu.Mirzaraximov boshchiligidagi ishchi guruh Respublika ixtisoslashtirilgan narkologiya ilmiy-amaliy tabbiyot markazi Surxondaryo viloyat filialida tashkil etilgan alkogol mastlik holati bo‘lgan shaxslarni reabilitatsiya qilish bo‘linmasi (xushyorxona) faoliyati bilan ham atroflicha tanishdi. 22 o‘ringa mo‘ljallangan xushyorxonada 13 nafar tibbiyot xodimi xizmat ko‘rsatmoqda. Bino Milliy gvardiya qo‘riqlash boshqarmasining qo‘riqloviga olingan.

O‘rganishlar chog‘ida shuningdek, Termiz tumani hududidagi mahallalar ham ishchi guruh e’tiboridan chetda qolmadi. Tumanda 23 ta mahalla mavjud. Ularning 9 tasi yoki 30 foizi “qizil”, 14 tasi yoki 46,7 foizi “sariq” va 7 tasi yoki 23,3 foizi “yashil” toifaga ajratilgan. Jumladan, “Qizil” toifadagi “Soliobod” mahallasi o‘rganilib, jinoyat va xuquqbuzarliklarning barvaqt oldini olish borasida amalga oshirilayotgan ishlar bilan tanishdi. Tuman sektor rahbarlari ishtirokida mahalla fuqarolar yig‘ini beshligi bilan suhbatlashdi. Huquqbuzarliklar va jinoyatchilikni jilovlash yuzasidan taklif hamda tavsiyalar bildirildi.

Ishchi guruhning o‘rganish ishlari davom etmoqda.

Surxondaryo viloyati IIB Axborot xizmati