Ўзбекистон Республикаси ИИВ Сурхондарё академик лицейига 2023/2024-ўқув йили учун ўқишга кириш истагини билдириб ҳужжатларни топширган номзодларга синов имтихон жараёнлари давом этмоқда.
Жорий йилнинг 07 июн куни Жарқўрғон туманидаги Маданият уйида Сурхондарё вилояти ИИБ бошлиғининг ўринбосари Маънавий маърифий ишлар ва кадрлар билан таъминлаш хизмати бошлиғи подполковник Ш.Шодиев, ИИВ Маънавий маърифий ишлар ва кадрлар билан таъминлаш департаменти Касбий тайёргарлик масъул ходими, Ички ишлар вазилиги шахсий хавфсизлик бош бошқармаси Сурхондарё вилояти бўйича бошқармаси масъул ходими, ИИВ Сурхондарё академик лицейи директори подполковник Б.Бўриевлар томонидан номзодларнинг ота-оналари билан давра суҳбати ўтказилди.
Давра суҳбати давомида номзодлардан кейинги босқичда ўз ичига диктант, жисмоний тайёгарлик ва суҳбат жараёнларини қамраб олган “Махсус профессионал танлов” синов имтихонлари бошланиши, синов имтихонлари Ўзбекистон Республикаси Вазирлар Маҳкамасининг 2017-йил 26-сентябр кунидаги “Ўзбекистон Республикаси ички ишлар вазирлиги академик лицейларининг фаолиятини ташкил этиш чора-тадбирлари тўғрисида”ги 767-сонли қарор талаблари ҳамда Ўзбекистон Республикаси Ички ишлар вазирлигининг тегишли буйруқ талаблари асосида ўтказилиши ҳақида тўлиқ маълумотлар бериб ўтилди.
Тадбир якунида номзодларнинг ота-оналари томоидан берилган саволларга батафсил тушунтиришлар ва маълумотлар берилди.
