Термиз тумани ҳокимлиги биносида ўтказилган тадбирда Пробация гуруҳи рўйхатида турган ёшлар билан профилактик учрашув бўлиб ўтди.
Ушбу тадбирда ички ишлар органлари вакиллари, жумладан, Ички ишлар бўлими бошлиғининг ўринбосари Қаҳрамон Қосимов ҳамда Йўл ҳаракати хавфсизлиги гуруҳи катта инспектори Зохид Самадовлар иштирок этишди.
Ёшларга қайта жиноят содир этмаслик
бўйича кенг қамровли тушунтиришлар берилди. Хусусан, улар қандай мажбуриятларга
эга эканликлари ва қайси ҳуқуқлари чекланганлиги ҳақида батафсил тушунтирилди. Ушбу
жараёнда қонунларга амал қилишнинг муҳимлиги қайд этилди, чунки Пробация рўйхатида
бўлган шахслар ўзларининг муайян чекловлари билан яшашлари лозим.
Тадбирда, шунингдек, автотранспорт бошқаруви ҳуқуқи чекланган ёшларга алоҳида эътибор қаратилиб, йўл ҳаракати қоидаларига риоя қилиш, транспорт воситасини ноқонуний бошқаришнинг салбий оқибатлари ҳақида ҳам гапириб ўтилди. Мақсад – ёшларга қонуний чегараларни ошириш ва уларни жамиятга тўғри йўналтириш орқали келажакдаги жиноятларнинг олдини олишдир.
