Термиз туман Агротехнологиялар ва Инновацион ривожлантириш институтида талаба ёшлар ўртасида жиноятчилик ва ҳуқуқбузарликларни олдини олиш ҳамда диний экстримизмга қарши курашиш мавзусида давра суҳбати бўлиб ўтди.
Ушбу тадбирда, Термиз туман ИИБ бошлиғи подполковник Ў.Мустафоқулов туман ИИБ бошлиғи ўринбосари Ж.Хужақулов, Янгиобод маҳалла Профилактика инспектори лейтенант М.Рахмонов, М.Азизов иститут ёшлари билан ишлаш маънавият ва маърифат бўлимии ходимлари, ректор маслаҳатчиси, факультет декани ва ўринбосарлари, гуруҳ тюторлари ва талабалар иштирок этишди.
Давра суҳбатини Термиз давлат Агротехнологиялар ва Инновацион ривожлантириш институти ёшлар масалалари маънавий-маърифий ишлар бўйича биринчи проректор Р.Норлиев очиб бериб, таклиф қилинган меҳмонларни иштирокчиларга таништириб, талбалар ўртасида жиноятчилик ва ҳуқуқбузарликларни олдини олишга каратилган профилактик ишларни талаба ёшлар орасида ҳам тизимли ташкил этиш долзарб эканлиги тўғрисида таъкидлаб ўтди.
Шундан сўнг Термиз туман ИИБ бошлиги подполковник Ў.Мустафоқулов сўзга чиқиб бугунги кунда талаба ёшларни турли зарарли оқимлар таъсирига тушиб қолишдан асраш, улар орасида жиноятчиллик ва ҳуқуқбузарликнинг олдини олиш талаба ёшларни ватанга муҳаббат руҳида тарбиялаш, бўш вақтларини мазмунли ўтказишни таъминлаш зарурлиги таъкидланди. Шунингдек, қасддан одам ўлдириш ёки тан жароҳат етказиш, мол мулкка тажовуз қилиш, фирибгарлик каби жиноятларнинг олдини олиш ҳамда аёллар, ёшлар, вояга етмаганлар ўртасида содир этилаётган жиноятларни кескин камайтириш ҳуқуқбузарликларнинг барвақт олдини олиш борасида кенг жамоатчилик билан ҳамкорликда амалга ошириш лозим бўлган тизимли ишлар ҳақида сўз юритди.
Ўз навбатида сўзга чиққан, Термиз туман ИИБ бошлиғи ўринбосари майор Ж.Хужақулов туман аҳолисининг тинчлиги ва осийишталигини таъминлаш, жиноятчилик ва ҳуқуқбузарликка карши курашиш барча бирдек маъсул эканлигини таъкидлаб, гиёҳвандлик, тамаки ва алкогол маҳсулотларини истеъмол қилишнинг салбий оқибатлари ҳақида талаба ёшлар ва йиғилганларга батафсил тушунчалар берди.
Давра суҳбати якунида, туман ИИБ бошлиги Ў.Мустафоқулов институтга бириктирилган профилактика инспектори Музаффар Азизовни талаб ёшларга таништириш асносида, талаба ёшларни қизиқтирган барча саволларига батафсил мисоллар асосида маълумотлар берилди.

Сурхондарё вилояти ИИБ Ахборот хизмати