Термиз шаҳар Мактабгача ва мактаб таълими бўлими тасарруфидаги 4-сонли умумий ўрта таълим мактабида 2025-йил 29-март куни 10-11-синф ўқувчи қизларининг оналари иштирокида йиғилиш бўлиб ўтди.

Ўтказилган йиғилишда, вилоят ИИБ Жамоат хавфсизлиги хизмати Ҳуқуқбузарликлар профилактикаси бошқармаси Вояга етмаганларга ижтимоий-ҳуқуқий ёрдам кўрсатиш Маркази ҳамда 4-сонли умумий ўрта таълим мактаби масъул раҳбарлари, Миллий гвардия Сурхондарё вилояти бўйича бошқармаси болалар билан ишлаш бўлими Термиз шаҳар инспектор психологлари ўз маърузалари билан иштирок этишди.

Йиғилиш давомида, давлатимизда “Хотин-қизларга яратилаётган шарт-шароитлар, жамиятда хотин-қизларнинг ўрни”, “Вояга етмаган қизлар ўртасида саломатлик, шахсий гигиена”, “Фарзанд тарбиясида ота-онанинг ўрни ва қизларни миллий қадрият ва анъаналар руҳида тарбиялаш”, “Қизлар ўртасида Одоб-ахлоқ қоидалари ва кийиниш маданияти” каби мавзуларда масъулларнинг маърузалари тингланди.

Шунингдек, йиғлишда иштирок этаётган ўқувчи қизларнинг оналари ҳам сўз олиб, ўқувчи қизлар тарбияси билан шуғулланишда ўз- фикр мулоҳазаларини билдиришиб, қизиқтирган саволларига мутахассислар томонидан жавоблар олишди.