Termiz shahar Maktabgacha va maktab ta’limi bo‘limi tasarrufidagi 4-sonli umumiy o‘rta ta’lim maktabida 2025-yil 29-mart kuni 10-11-sinf o‘quvchi qizlarining onalari ishtirokida yig‘ilish bo‘lib o‘tdi.

O‘tkazilgan yig‘ilishda, viloyat IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy-huquqiy yordam ko‘rsatish Markazi hamda 4-sonli umumiy o‘rta ta’lim maktabi mas’ul rahbarlari, Milliy gvardiya Surxondaryo viloyati bo‘yicha boshqarmasi bolalar bilan ishlash bo‘limi Termiz shahar inspektor psixologlari o‘z ma’ruzalari bilan ishtirok etishdi.

Yig‘ilish davomida, davlatimizda “Xotin-qizlarga yaratilayotgan shart-sharoitlar, jamiyatda xotin-qizlarning o‘rni”, “Voyaga yetmagan qizlar o‘rtasida salomatlik, shaxsiy gigiena”, “Farzand tarbiyasida ota-onaning o‘rni va qizlarni milliy qadriyat va an’analar ruhida tarbiyalash”, “Qizlar o‘rtasida Odob-axloq qoidalari va kiyinish madaniyati” kabi mavzularda mas’ullarning ma’ruzalari tinglandi.

Shuningdek, yig‘lishda ishtirok etayotgan o‘quvchi qizlarning onalari ham so‘z olib, o‘quvchi qizlar tarbiyasi bilan shug‘ullanishda o‘z- fikr mulohazalarini bildirishib, qiziqtirgan savollariga mutaxassislar tomonidan javoblar olishdi.