Тергов ходимлари ИИВ Академияси курсантлари учун онлайн мастер-клас ўтишди
2023 йилнинг 16 февраль куни Сурхондарё вилояти ИИБ ҳузуридаги Тергов бошқармаси ходимлари ИИВ Академияси ўқитувчилари ва курсантлари учун онлайн мастер-класс ўтишди. Унда асосан, “Профилактика инспекторларининг ёшлар ва вояга етмаганлар томонидан содир этилаётган ҳуқуқбузарликлар ва жиноятларни олдини олишда соҳавий хизматлар, давлат органлари, жамоат ташкилотлари билан ҳамкорлиги ҳамда ушбу соҳада учраётган долзарб муаммолар”, “Тезкор-қидирув хизмати ходимлари томонидан жиноятчилик ва ҳуқуқбузарликларни олдини олишда бошқа соҳавий хизматлар билан ўзаро ҳамкорлиги ҳамда ушбу соҳада учраётган долзарб муаммолар”, “Одам савдоси ва одоб-аҳлоқ доирасидаги жиноятларни тергов қилиш амалиёти ҳамда соҳавий хизматларнинг ўзаро ҳамкорлиги” мавзуларида маъруза қилинди.
Онлайн дарс машғулотида Сурхондарё вилояти ИИБ бошлиғи ўринбосари -Тергов бошқармаси бошлиғи подполковник И.Кетмонов сўз олиб, мавзуларнинг нечоғлик долзарблиги ва аҳамияти ҳақида айтиб ўтди.
Шундан сўнг, маърузачилар ИИВ Академияси курсантлари томонидан берилган саволларга батафсил жавоб беришди.
Сурхондарё вилояти ИИБ Ахборот хизмати
