Tergov xodimlari IIV Akademiyasi kursantlari uchun onlayn master-klas o‘tishdi
2023 yilning 16 fevral kuni Surxondaryo viloyati IIB huzuridagi Tergov boshqarmasi xodimlari IIV Akademiyasi o‘qituvchilari va kursantlari uchun onlayn master-klass o‘tishdi. Unda asosan, “Profilaktika inspektorlarining yoshlar va voyaga yetmaganlar tomonidan sodir etilayotgan huquqbuzarliklar va jinoyatlarni oldini olishda sohaviy xizmatlar, davlat organlari, jamoat tashkilotlari bilan hamkorligi hamda ushbu sohada uchrayotgan dolzarb muammolar”, “Tezkor-qidiruv xizmati xodimlari tomonidan jinoyatchilik va huquqbuzarliklarni oldini olishda boshqa sohaviy xizmatlar bilan o‘zaro hamkorligi hamda ushbu sohada uchrayotgan dolzarb muammolar”, “Odam savdosi va odob-ahloq doirasidagi jinoyatlarni tergov qilish amaliyoti hamda sohaviy xizmatlarning o‘zaro hamkorligi” mavzularida ma’ruza qilindi.
Onlayn dars mashg‘ulotida Surxondaryo viloyati IIB boshlig‘i o‘rinbosari -Tergov boshqarmasi boshlig‘i podpolkovnik I.Ketmonov so‘z olib, mavzularning nechog‘lik dolzarbligi va ahamiyati haqida aytib o‘tdi.
Shundan so‘ng, ma’ruzachilar IIV Akademiyasi kursantlari tomonidan berilgan savollarga batafsil javob berishdi.
Surxondaryo viloyati IIB Axborot xizmati
