Жорий йилнинг 5 июнь куни Термиз шаҳридаги “Аму соҳиллари” соғломлаштириш мажмуаси футболь майдонида, Сурхондарё вилояти ички ишлар органлари ходимлари ўртасида спортнинг “Мини футбол” тури бўйича мусобақа бўлиб ўтди.
Мазкур мусобақа, Ўзбекистон Республикаси Президентининг 2020 йил 30 октябрь кунидаги “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сон Фармони, Сурхондарё вилояти Ички ишлар бошқармасининг 2020 йилнинг 10 ноябрь кунидаги вилоят ички ишлар органларида “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги буйруғи талаблари асосида, шахсий таркиб ўртасида соғлом турмуш тарзини тарғиб қилиш ва ходимларнинг жисмоний тайёргарлигини ошириш ҳамда вилоят ички ишлар органлари шахсий таркиби билан 2021 йил учун мусобақалар ўтказиш режаси ижросини таъминлаш мақсадида ташкил этилди.
Ички ишлар органлари ходимлари ўртасида ўтказилган спортнинг “Мини футбол” тури бўйича мусобақада, ички ишлар бошқармасининг соҳавий хизматлари ҳамда Термиз шаҳар бўйича ички ишлар органларини мувофиқлаштириш бошқармаси, туман ички ишлар бўлими ходимларидан ташкил топган жами 18 та футболь жамоалари иштирок этган мусобақа, кескин ва муросасиз курашларга бой бўлиб ўтди.
Мусобақа якунида, фахрли биринчи ўринни вилоят ИИБ 9-сон Тергов ҳибсхонаси олган бўлса, иккинчи ўринни Жарқўрғон тумани Ички ишлар бўлими ходимлари қўлга киритди. Учинчи ўрин вилоят ИИБ Транспортда Хавфсизликни таъминлаш бошқармаси жамоасига насиб этди.
Ғолибликни қўлга киритган футбол жамоаларига вилоят ички ишлар бошқармасининг диплом ва қимматбаҳо эсдалик совғалари улашилди.

Сурхондарё вилояти ИИБ Ахборот хизмати