Сурхондарёда, ички ишлар органлари ходимлари ўртасида “Заковат” интеллектуаль ўйини ўтказилди.
Ўзбекистон Республикаси Ички ишлар вазирининг 2021 йил 31 март кунидаги “Ички ишлар органлари тизимида “Заковат” интеллектуаль ўйинларини ташкил этиш тўғрисида”ги буйруғи, 2021 йил 9 ноябрдаги “Ички ишлар органлари тизимида касбий тайёргарлик ойлигини ўтказиш тўғрисида”ги Фармойиши ҳамда Сурхондарё вилояти ИИБнинг 2021 йил 5 май кунидаги буйруқларининг ижросини таъминлаш мақсадида, жорий йилнинг 11 декабрь куни Сурхондарё вилояти Матбуот уйи биносида вилоят ички ишлар органлари ходимлари ўртасида “Заковат” интеллектуаль ўйинлари ўтказилди.
Унда вилоят ички ишлар бошқармаси, шаҳар, туман ички ишлар органлари ходимлари ҳамда Ички ишлар вазирлиги Сурхондарё Академик лицейидан тузилган жами 12 та жамоа иштирок этиб, мазкур жамоалар иштирокидаги баҳслар муросасиз беллашувларга бой тарзда бўлиб ўтди. Беллашувлар натижасига кўра фахрли 3-ўринни, Қумқўрғон тумани Ички ишлар бўлимининг “Ёшлар” жамоаси, фахрли 2-ўринни Бандихон туман Ички ишлар бўлимининг “Лейтенантлар” жамоаси ҳамда 1-ўринни Сариосиё тумани Ички ишлар бўлимининг “Капитанлар” жамоаси қўлга киритди.
Мусобақанинг ғолиб ва совриндорлари бошқарма бошлиғининг диплом, китоблар жамланмаси ҳамда қимматбаҳо совғалари билан тақдирландилар. Бу каби интеллектуаль ўйинларнинг ташкил этилиши ички ишлар органлари ходимларининг билим ва салоҳиятини интеллектуал қобилияти шунингдек ҳозир жавоблигини оширишга хизмат қилиши билан биргаликда ходимларнинг ўз устида ишлашлари, китоб ўқишга бўлган қизиқишларини янада оширишга хизмат қилади.
Сурхондарё вилояти ИИБ Ахборот хизмати
