Ўзбекистон Республикаси Иички ишлар вазирининг ўринбосари генерал-майор А.И.Икрамовнинг 2021 йил 29 декабрь куни бўлиб ўтган видеоселектор йиғилишида берилган топшириқлар асосида 2022 йил 10 январь куни Сурхондароё вилояти ИИБ Пробация бўлими ходимлари ва уларнинг ота-оналари иштирокида бошқарма раҳбарияти билан учрашув бўлиб ўтди.
Ушбу тадбирда, Сурхондарё вилояти ИИБ бошлиғи ўринбосари, подполковник У.Ўтаев, Ўзбекистон Республикаси ИИВ Шахсий хавфсизлик бош бошқармаси Сурхондарё вилояти бўйича бошқармаси масъул ходими майор Б.Буриев, бошқарма Пробация бўлими бошлиғи подполковник Ш.Сатторовлар иштирок этишди.
Кириш сўзи билан сўз олган Сурхондарё вилояти ИИБ бошлиғи ўринбосари, подполковник У.Ўтаев учрашувнинг мақсад ва вазифалари ҳақида қисқача тўхталиб ўтди.
Тадбир аввалида, 2021 йил 12 ойи якунига кўра, Сурхондарё вилояти ИИБ Пробация бўлими ходимлари томонидан хизмат интизоми ва қонун бузилиши ҳолатларининг таҳлилий ҳисоботи тингланди.
Учрашув давомида, Пробация бўлими ходимлари ва ота-олналарга 2021 йил давомида ходимлар билан Маънавий-маърифий ишлар ва ижтимоий ҳимоя йўналишида амалга оширилган ишлар, ютуқлар ва камчиликлари, шунингдек, ходимларнинг машаққатли хизматлари, уларга ҳамда оила аъзоларига яратилган шарт-шароитлар, имтиёзлар тўғрисида маълумотлар етказилди.
Бундан ташқари, Ички ишлар органларида хизмат олиб бориш давомида қонун бузилиш ҳолатларига жиддий йўл қўйган Қамаши тумани ва Наманган шаҳар ИИО пробация гуруҳи инспекторлари томонидан содир этилган қонунбузарликлардан мисоллар келтирилди. Келгусида Пробация хизмати инспекторлари томонидан шу каби салбий ҳолатларга йўл қўймаслик мақсадида ота-оналар ва бошқарма раҳбарияти мунтазам мулоқотда бўлиб туришлари юзасидан фикр-мулоҳазалар ва таклифлар билдирилди.
Йиғилиш якунида, тўрт нафар ходимлар, хизмат фаолияти давомида эришган ютуқлари учун вилоят ИИБ раҳбарияти томонидан уларнинг ота оналарига ташаккурнома эълон қилиниб, совға салом билан тақдирландилар.

Сурхондарё вилояти ИИБ Ахборот хизмати