Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилоят кенгашининг календар режасига асосан 2024 йилнинг 19-20 август кунлари Термиз Давлат унверситети спорт залида “Волейбол” тури бўйича Сурхондарё вилояти Ҳуқуқни муҳофаза қилувчи органларида хизмат ўтаётган ходимлар ва ҳарбий хизматчилар ўртасида вилоят “Динамо” жисмоний тарбия ва спорт жамияти раиси “Кубоги”  мусобақаси ўтказилди.

Спорт мусобақаси муросасиз бахсларга бой бўлиб, Сурхондарё вилоятида  хизмат ўтаётган Ички ишлар бошқармаси, Миллий гвардияси бошқармаси, Давлат хавфсизлик хизмати бошқармаси, Миллий гвардияси  Қўриқлаш бошқармаси ходимларидан иборат 21 та терма жамоадан 8 нафардан  жами  168 нафар спортчилар иштирок этди.

Халқаро тоифадаги ҳакамлар томонидан баҳолаб борилган ушбу нуфузли мусобақа натижаларига кўра 1 ўринни Сурхондарё вилояти Давлат хавфсизлик хизмати бошқармаси терма жамоаси, 2 ўринни Сурхондарё вилояти Ички ишлар бошқармаси терма жамоаси, 3 ўринни Сурхондарё вилояти Миллий гвардияси  Қўриқлаш бошқармаси спортчилари қўлга киритишди.

Ғолиблар Ўзбекистон Республикаси ИИВ “Динамо” ЖТСЖ Сурхондарё вилояти Кенгаши томонидан диплом, медал ва қимматбаҳо эсдалик совғалари билан тақдирланди.

Шу ўринда айтиш жоизки “Динамо” жисмоний тарбия ва спорт жамияти қошида ташкил этилган “Кураш”, “Эркин кураш”, “ДЗЮДО”, “Қўл жанг”, “Триатлон”, “Футбол” , “Юнон-Рум кураши”, “Комбат айкидо” тўгаракларида ҳозирги кунда жами 515 нафар ўсмирлар  мунтазам шуғулланишиб республика ва халқаро мусобақаларда муносиб ўринларни эгаллашмоқда.