O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat kengashining kalendar rejasiga asosan 2024 yilning 19-20 avgust kunlari Termiz Davlat unversiteti sport zalida “Voleybol” turi bo‘yicha Surxondaryo viloyati Huquqni muhofaza qiluvchi organlarida xizmat o‘tayotgan xodimlar va harbiy xizmatchilar o‘rtasida viloyat “Dinamo” jismoniy tarbiya va sport jamiyati raisi “Kubogi”  musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan Ichki ishlar boshqarmasi, Milliy gvardiyasi boshqarmasi, Davlat xavfsizlik xizmati boshqarmasi, Milliy gvardiyasi  Qo‘riqlash boshqarmasi xodimlaridan iborat 21 ta terma jamoadan 8 nafardan  jami  168 nafar sportchilar ishtirok etdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1 o‘rinni Surxondaryo viloyati Davlat xavfsizlik xizmati boshqarmasi terma jamoasi, 2 o‘rinni Surxondaryo viloyati Ichki ishlar boshqarmasi terma jamoasi, 3 o‘rinni Surxondaryo viloyati Milliy gvardiyasi  Qo‘riqlash boshqarmasi sportchilari qo‘lga kiritishdi.

G‘oliblar O‘zbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal va qimmatbaho esdalik sovg‘alari bilan taqdirlandi.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” to‘garaklarida hozirgi kunda jami 515 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.