Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилоят кенгашининг режасига асосан 2024 йилнинг 15-23 май кунлари Термиз шаҳридаги Сурхондарё вилоят ИИБнинг Спорт ўйингоҳида  “9-май Хотира ва қадирлаш куни”га бағишлаб спортнинг “Мини футбол” тури бўйича Сурхондарё вилояти ҳуқуқни муҳофаза қилувчи органларида хизмат ўтаётган офицер ходимлари ўртасида вилоят биринчиги мусобақаси ўтказилди.

Ташкил этилган спорт мусобақаси муросасиз баҳсларга бой бўлиб, Сурхондарё вилоятида хизмат ўтаётган Сурхондарё вилояти Ички ишлар бошқармаси, вилоят Миллий гвардияси бошқармаси, вилоят  Давлат хавфсизлик хизмати бошқармаси, вилоят Божхона бошқармаси, вилоят Давлат хавфсизлик хизмати Чегара қўшинлари “Жануб” Округ қўмондонлиги, вилояти Миллий гвардияси  Қўриқлаш бошқармаси, ИИВ Транспортда ва туризм объектларида хавфсизликни таъминлаш департаменти Сурхондарё вилояти Транспортда хавфсизликни таъминлаш бошқармаси, ИИВ ҳузуридаги Жазони ижро этиш департаменти Тўртинчи минтақавий ҳудуд 9-сон тергов ҳибсхонаси, офицер ходимларидан иборат 12 та терма жамоадан таркиб топган 8 нафардан  жами  96 нафар спортчилар иштирок этишди.

Халқаро тоифадаги ҳакамлар томонидан баҳолаб борилган ушбу нуфузли мусобақа натижаларига кўра 1 ўринни Сурхондарё вилояти Ички ишлар бошқармаси терма жамоаси,  2 ўринни Сурхондарё вилояти Божхона бошқармаси терма жамоаси, 3 ўринни Сурхондарё вилояти ДХХ ЧҚ “Жануб” ОҚ терма жамоаси спортчилари қўлга киритишди.

Ғолиблар Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилояти Кенгаши томонидан диплом, медал ва қимматбахо эсдалик совғалари вилоят ИИБ бошлиғи ўринбосари Ш.Шадиев томонидан тантанали равишда топширилди.

Шу ўринда айтиш жоизки “Динамо” жисмоний тарбия ва спорт жамияти қошида ташкил этилган “Кураш”, “Эркин кураш”, “ДЗЮДО”, “Қўл жанг”, “Триатлон”, “Футбол”, “Юнон-Рум кураши”, “Комбат айкидо” тўгаракларида ҳозирги кунда жами 515 нафар ўсмирлар  мунтазам шуғулланишиб республика ва халқаро мусобақаларда муносиб ўринларни эгаллаб келишмоқда.