O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat kengashining rejasiga asosan 2024 yilning 15-23 may kunlari Termiz shahridagi Surxondaryo viloyat IIBning Sport o‘yingohida  “9-may Xotira va qadirlash kuni”ga bag‘ishlab sportning “Mini futbol” turi bo‘yicha Surxondaryo viloyati huquqni muhofaza qiluvchi organlarida xizmat o‘tayotgan ofitser xodimlari o‘rtasida viloyat birinchigi musobaqasi o‘tkazildi.

Tashkil etilgan sport musobaqasi murosasiz bahslarga boy bo‘lib, Surxondaryo viloyatida xizmat o‘tayotgan Surxondaryo viloyati Ichki ishlar boshqarmasi, viloyat Milliy gvardiyasi boshqarmasi, viloyat  Davlat xavfsizlik xizmati boshqarmasi, viloyat Bojxona boshqarmasi, viloyat Davlat xavfsizlik xizmati Chegara qo‘shinlari “Janub” Okrug qo‘mondonligi, viloyati Milliy gvardiyasi  Qo‘riqlash boshqarmasi, IIV Transportda va turizm ob’ektlarida xavfsizlikni ta’minlash departamenti Surxondaryo viloyati Transportda xavfsizlikni ta’minlash boshqarmasi, IIV huzuridagi Jazoni ijro etish departamenti To‘rtinchi mintaqaviy hudud 9-son tergov hibsxonasi, ofitser xodimlaridan iborat 12 ta terma jamoadan tarkib topgan 8 nafardan  jami  96 nafar sportchilar ishtirok etishdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1 o‘rinni Surxondaryo viloyati Ichki ishlar boshqarmasi terma jamoasi,  2 o‘rinni Surxondaryo viloyati Bojxona boshqarmasi terma jamoasi, 3 o‘rinni Surxondaryo viloyati DXX ChQ “Janub” OQ terma jamoasi sportchilari qo‘lga kiritishdi.

G‘oliblar O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyati Kengashi tomonidan diplom, medal va qimmatbaxo esdalik sovg‘alari viloyat IIB boshlig‘i o‘rinbosari Sh.Shadiev tomonidan tantanali ravishda topshirildi.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol”, “Yunon-Rum kurashi”, “Kombat aykido” to‘garaklarida hozirgi kunda jami 515 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallab kelishmoqda.