Сурхондарё вилояти Ички ишлар бошқармасида хизмат ўтаётган ходимлар ва ходималар ўртасида спортнинг кенг тарғиб қилиш ва уларнинг жисмоний тайёргарлигини ошириш, ёшларнинг оммавий спорт турларига бўлган қизиқишини янада ошириш ва вилоят ИИБнинг 2024 йил учун мўлжалланган спорт турлари бўйича мусобақаларни ўтказиш тақвим режасига ҳамда вилоят ИИБ бошлиғининг 2024 йил 20 феврал кунидаги “Сурхондарё вилояти ички ишлар бошқармаси ходимлари ва ходималар ўртасида спортнинг “Волейбол” тури бўйича вилоят ички ишлар бошқармаси бошлиғининг “Кубоги” мусобақасини ўтказиш тўғрисида”ги тегишли фармойиши ижросини таъминлаш ҳамда жисмоний тарбия ва спортни оммалаштириш мақсадида жорий йилнинг 23-24-феврал кунлари вилоят ИИБ Спорт мажмуасида спортнинг “Волейбол” тури бўйича вилоят ИИБнинг ҳудудий бўлинмалари ўртасида волейбол мусобақаси бўлиб ўтди.

Соғлом рақобат ва қизиқарли жараёнларга бой бўлган мусобақада, вилоят, шаҳар ва туман бўлимларидан ташкил топган 20 та жамоа аъзолари ғолиблик учун кураш олиб боришди.

Эркаклар ўртасида бўлиб, ўтган мусобақа якуний натижаларига кўра,

Узун туман ИИБ ходимлари жамоаси 3-ўринни,

Бойсун туман ИИБ ходимлари жамоаси 2-ўринни қўлга киритган бўлса,

Вилоят ИИБ ходимлари жамоаси фахрли 1-ўринни эгаллади.

Хотин-қизлар ўртасида бўлиб ўтган мусобақада “Термизийлар” жамоаси хотин-қизлари 3-ўринни, “Ёшлар” жамоаси 2-ўринни, ҳамда Вилоят ИИБ ходимлари жамоаси фахрли 1-ўринни эгаллади.

Ғолиб ва совриндорларга Сурхондарё ИИБ бошлиғи ўринбосари подполковник Шадиев Шерзод Файзуллаевич томонидан бошқарма бошлиғининг кубок, диплом ва қимматбаҳо эсдалик совғалари тантанали равишда топширилди. Қолаверса мусобақа жараёнларини одилона бошқариб борган қатор ҳакамлар ҳам алоҳида эътироф этилиб, диплом ва қимматбаҳо эсдалик совғалари билан тақдирланишди.