Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилоят кенгашининг календар режасига асосан 2025 йилнинг 28-29 июль кунлари  Термиз шаҳридаги “Алпомиш” спорт мажмуасининг “Дельфин” сузиш ҳавзасида спортнинг “Сузиш” тури 50 ва 100 метрга эркин сузиш йўналишлари бўйича Сурхондарё вилояти ҳуқуқни муҳофаза қилувчи органларида хизмат ўтаётган ходимлар ўртасида вилоят биринчилиги мусобақаси ўтказилди.

Спорт мусобақаси муросасиз бахсларга бой бўлиб, Сурхондарё вилоятида хизмат ўтаётган Ўзбекистон Республикаси Миллий гвардияси  Сурхондарё вилояти бўйича бошқармаси,  Ўзбекистон Республикаси Давлат хавфсизлик хизмати Сурхондарё вилояти бошқармаси,  Сурхондарё вилояти Ички ишлар бошқармаси, Сурхондарё вилояти Божхона бошқармаси,  Ўзбекистон Республикаси  ДХХ ЧҚ “Жануб” ОҚ, Қўриқлаш бошқармаси ходимларидан иборат 7 та жамоадан 44 нафар спортчилар иштирок этишди.

Малакали ҳакамлар томонидан баҳолаб борилган ушбу мусобақа натижаларига кўра фахрли ўринларни қўлга киритган спортчилар Ўзбекистон Республикаси ИИВ “Динамо” ЖТСЖ Сурхондарё вилояти Кенгаши томонидан диплом, медал ва қимматбаҳо эсдалик совғалари билан тақдирланишди.

Шу ўринда айтиш жоизки “Динамо” жисмоний тарбия ва спорт жамияти қошида ташкил этилган “Кураш”, “Эркин кураш”, “ДЗЮДО”, “Қўл жанг”, “Триатлон”, “Футбол” , “Юнон-Рум кураши”, “Комбат айкидо” тўгаракларида ҳозирги кунда жами 427 нафар ўсмирлар  мунтазам шуғулланишиб республика ва халқаро мусобақаларда муносиб ўринларни эгаллашмоқда.