Surxondaryo viloyati huquqni muhofaza qiluvchi organlarida xizmat o‘tayotgan xodimlar o‘rtasida sportning “Suzish” turi bo‘yicha viloyat birinchiligi musobaqasi o‘tkazildi.
O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat kengashining kalendar rejasiga asosan 2025 yilning 28-29 iyul kunlari Termiz shahridagi “Alpomish” sport majmuasining “Delfin” suzish havzasida sportning “Suzish” turi 50 va 100 metrga erkin suzish yo‘nalishlari bo‘yicha Surxondaryo viloyati huquqni muhofaza qiluvchi organlarida xizmat o‘tayotgan xodimlar o‘rtasida viloyat birinchiligi musobaqasi o‘tkazildi.
Sport musobaqasi murosasiz baxslarga boy bo‘lib, Surxondaryo viloyatida
xizmat o‘tayotgan O‘zbekiston Respublikasi Milliy
gvardiyasi Surxondaryo viloyati bo‘yicha
boshqarmasi, O‘zbekiston Respublikasi Davlat
xavfsizlik xizmati Surxondaryo viloyati boshqarmasi, Surxondaryo viloyati Ichki ishlar boshqarmasi,
Surxondaryo viloyati Bojxona boshqarmasi, O‘zbekiston Respublikasi DXX ChQ “Janub” OQ, Qo‘riqlash boshqarmasi xodimlaridan iborat
7 ta jamoadan 44 nafar sportchilar ishtirok etishdi.
Malakali hakamlar tomonidan baholab borilgan ushbu musobaqa natijalariga
ko‘ra faxrli o‘rinlarni qo‘lga kiritgan sportchilar O‘zbekiston Respublikasi IIV
“Dinamo” JTSJ Surxondaryo viloyati Kengashi tomonidan diplom, medal va qimmatbaho
esdalik sovg‘alari bilan taqdirlanishdi.
Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” to‘garaklarida hozirgi kunda jami 427 nafar o‘smirlar muntazam shug‘ullanishib respublika va xalqaro musobaqalarda munosib o‘rinlarni egallashmoqda.