Ўзбекистон Республикаси ИИВ “Динамо” Жисмоний тарбия ва спорт жамияти Сурхондарё вилоят кенгашининг календар режасига асосан 2024 йилнинг 6-7 ноябрь кунлари Термиз шахридаги Алпомиш спорт мажмуасида спортнинг “Кураш” тури бўйича Сурхондарё вилояти Ҳуқуқни муҳофаза қилувчи органларида хизмат ўтаётган ходимлар ва харбий хизматчилар ўртасида вилоят биринчилиги   мусобақаси ўтказилди.

Спорт мусобақаси муросасиз бахсларга бой бўлиб, Сурхондарё вилоятида  хизмат ўтаётган Сурхондарё вилояти Миллий гвардияси бошқармаси,  Сурхондарё вилояти  Давлат хавфсизлик хизмати бошқармаси,  Сурхондарё вилояти ДХХ ЧҚ “Жануб” ОҚ, Сурхондарё вилояти Фавкулодда вазиятлар бошкармаси, Сурхондарё вилояти Ички ишлар бошқармаси; Сурхондарё вилояти Миллий гвардияси  Қўриқлаш бошқармаси, Термиз халқаро аъропортида хавсизликни таъминлаш алоҳида батальони  ходимларидан иборат 7 та терма жамоадан  жами  48 нафар спортчилар катнашди.

Халқаро тоифадаги ҳакамлар томонидан баҳолаб борилган ушбу нуфузли мусобақа натижаларига кўра 1 ўринни ўринни Сурхондарё вилояти Ички ишлар бошқармаси терма жамоаси, 2 ўринни Сурхондарё вилояти фавқулодда вазиятлар бошқармаси  терма жамоаси, 3 ўринни Сурхондарё вилояти ДХХ ЧҚ “Жануб” ОҚ спортчилари қўлга киритишди.

Ғолиблар Ўзбекистон Республикаси ИИВ “Динамо” ЖТСЖ Сурхондарё вилояти Кенгаши томонидан диплом, медал ва қимматбахо эсдалик совғалари билан тақдирландилар

Шу ўринда айтиш жоизки “Динамо” жисмоний тарбия ва спорт жамияти қошида ташкил этилган “Кураш”, “Эркин кураш”, “ДЗЮДО”, “Қўл жанг”, “Триатлон”, “Футбол” , “Юнон-Рум кураши”, “Комбат айкидо” “Волейбол” тўгаракларида ҳозирги кунда жами 527 нафар ўсмирлар  мунтазам шуғулланишиб республика ва халқаро мусобақаларда муносиб ўринларни эгаллашмоқда.