Сурхондарё вилояти Ички ишлар бошқармаси мажлислар залида вилоят ИИБ бошлиғи ўринбосари подполковник Шерзод Шадиев ҳузурида 2024 йил давомида Маънавий-маърифий ишлар, кадрлар билан таъминлаш ҳамда жисмоний ва жанговар тайёргарлик йўналишида амалга оширилган ишлар йўл қўйилган хато ва камчиликлар ҳамда 2025 йилда амалга оширилиши лозим бўлган амалий чора-тадбирларга бағишланган танқидий руҳдаги йиғилиши бўлиб ўтди.

Йиғилиш видеоселектор тарзида ўтказилиб, унда Маънавий-маърифий ишлар ва кадрлар билан таъминлаш хизмати хизмати бошлиғининг ўринбосарлари, шахсий таркиби, соҳавий хизматларнинг маънавий-маърифий ишларга масъул ходимлари, шаҳар-туман ИИБ бошлиқларининг Маънавий- маърифий ишлар бўйича ўринбосарлари ҳамда кадрлар билан таъминлаш гуруҳи катта инспекторлари иштирок этишди. 

Йиғилишда, 2024 йил мобайнида хизмат ходимлари ҳамда жойлардаги масъуллар томонидан амалга оширилган ишлар ва йўл қўйилган хато-камчиликлар хизмат бошлиғининг ўринбосарлари томонидан йиғилиш қатнашчиларига ўқиб эшиттирилди.

Шундан сўнг, вилоят ИИБ бошлиғи ўринбосари, Ш.Шадиев томонидан йиғилиш иштирокчиларига бир қатор топшириқ ва таклифлар берилди.