Сурхондарё вилояти ИИБда “Кексалар завқи” шиори остида Ички ишлар органлари Фахрий ходимлари ўртасида спортнинг “Мини футбол” тури бўйича мусобақа ўтказилди.
Ўзбекистон Республикаси Президентининг 2021 йил 2 апрель кунидаги
ПҚ-5050-сон Қарори билан тасдиқланган “Ички ишлар органларида
маъанавий-маърифий ишларни ташкил этиш концепцияси, Ички ишлар вазирининг 2023
йил 19 сентябрь кунидаги фармойиши ижросини таъминлаш, шунингдек, ёши улуғ
фахрийларга эътибор ҳамда ғамхўрликни кучайтириш, уларни соғломлаштириш
ишларини, ижтимоий ҳаётдаги фаолликларини ошириш” мақсадида Ўзбекистон Республикаси ИИВ “Динамо” ЖТСЖ
Сурхондарё вилояти кенгаши билан ҳамкорликда спортнинг “Мини футбол” тури
бўйича Сурхондарё вилояти Ички ишлар органларида узоқ йиллар самарали меҳнат
қилиб, ҳозирги кунда нафақада бўлган Фахрий ходимлар ўртасида “Ички ишлар
вазири кубоги” мусобақасининг вилоят босқичи ўтказилди.
Ушбу спорт мусобақасида вилоят соҳавий хизмат ҳамда шаҳар-туман
ИИБларидан жами тўртта Фахрий ходимлар терма жамоалари иштирок этишди.
Мусобақа натижаларига кўра учинчи ўринни Қумқўрғон тумани ИИБ Фахрий
ходимлар жамоаси, иккинчи ўринни 9-сон Тергов хибсхонаси Фахрий ходимлар
жамоаси ва фахрли биринчи ўринни Термиз шаҳар ИИБ Фахрийлар жамоаси қўлга
киритишди.
Мусобақада ғолибликни қўлга киритган жамоалар Сурхондарё
вилояти ИИБ бошлиғининг диплом, медал ҳамда қимматбаҳо эсдалик совғалари билан
тақдирланишди.
