Ўзбекистон Республикаси ИИВнинг 2023 йил 20 февраль кунидаги “Ички ишлар органларида кадрлар билан таъминлаш фаолиятини янада такомиллаштириш чора-тадбирлари тўғрисида”ги тегишли буйруғи талаблари асосида Сурхондарё вилояти ички ишлар органларида раҳбарлик лавозимларига кадрлар тайёрлаш ва жой-жойига қўйиш тизимини янада такомиллаштириш, раҳбар кадрларни тайёрлаш, психологик тушунчалар бериш, зиммасига юклатилган вазифаларга нисбатан масъулиятларини янада ошириш, жамоадаги маънавий-руҳий муҳитни янада яхшилаш ҳамда ходимларга ички ишлар органлари тизимида ва жиноятчиликка қарши кураш соҳасида ўтказилаётган ислоҳотларнинг мазмун-моҳиятини ўз вақтида етказиш, уларни раҳбар лавозимларда хизмат ўташ учун тайёрлашнинг илғор тажрибасини жорий этиш мақсадида, жорий йилнинг 28-29-март кунлари ўқув-семинари ташкил этилди.

Ўқув курсларини сифатли ҳамда самарали ташкил этиш мақсадида, Ўзбекистон Республикаси Президенти Админстрацияси тасарруфига кирувчи лавозимларга заҳирага киритилган вилоят ИИБ соҳавий хизматларининг етук малакали кадрлари ҳамда олий таълим муассасаларининг профессор ўқитувчилари жалб этилди.

Ўқув-амалий семинар давомида амалдаги раҳбар кадрлар заҳирасига киритилган ходимлари лавозимга кўтарилиш учун зарур бўлган касбий, ишбилармонлик, шахсий ва маънавий ахлоқий фазилатларига эга, салоҳиятли, етук, коррупцияга нисбатан муросасиз муносабатда бўлган, эгаллаган лавозимларида ўзини ижобий томондан намоён қилган ва қисқа муддатда раҳбарлик лавозимларини эгаллашга лойиқ бўлган, юқори малакали ходимларни шакиллантириш кўзда тутилди.

Шунингдек, ташкил этилган ўқув-амалий семинарда, раҳбар ходимларнинг жисмоний ва жанговар тайёргарликларини яна бир бор назоратдан ўтказиш мақсадида, макаров тўппончасидан ўқ отиш машғулоти ўтказилиб, мерганлик маҳорати синовдан ўтказилди.