Сурхондарё вилояти Ички ишлар бошқармаси бошлиғи томонидан 2024 йил 15 февраль кунида тасдиқланган режа дастур асосида, Сурхондарё вилояти ички ишлар органларида маънавий-маърифий ишларни ташкил этиш, шахсий таркиб ўртасида хизмат интизоми ва қонунийликни мустаҳкамлаш, келгусида ходимлар томонидан содир этилиши мумкин бўлган қонунбузилиш ҳолатларини олдини олиш мақсадида, бугун Жарқўрғон ҳамда Шўрчи туманларида жорий йилнинг 23 февраль куни Жарқўрғон ҳамда Шўрчи тумани ИИБларида хизмат олиб бораётган ходимлар ҳамда уларнинг оила аъзолари иштирокида навбатдаги учрашув ташкил этилди.

Дастлаб, 2023 йил давомида ходимлар томонидан содир этилган салбий ва ижбий ҳолатлар юзсидан тайёрланган видеофильм намойиш этилди. Шундан сўнг, вилоят ички ишлар бошқармаси бошлиғи ўринбосари подполковник Ш.Ф.Шадиев сўзга чиқиб, бугунги кунда ички ишлар органлари ходимларининг ҳарбий-ватанпарварлик туйғусини, маънавий савиясини ва интеллектуаль салоҳиятини юксалтиришни таъминлаш, уларда мамлакатимизнинг қадимий ва бой маданияти, азалий қадриятлари, удумлари ва анъаналарига асосланган кенг дунёқарашини янада шакллантириш юзасидан бир қатор манзилли ишлар амалга ошириб келинаётганлигини, аммо баъзи бир ходимлар ушбу яратилаётган шарт-шароитлардан унумли фойдаланмасдан хозирги кунда хизмат интизоми ва қонунчиликка риоя этмасдан жавобгарликка тортилиб кетаётганлигини қайд этди.

Шунингдек, келгусида ходимларимиз жонажон Ўзбекистонимизда ҳукм сураётган тинчлик-осойишталик, миллатлараро тотувлик, бағрикенглик муҳитини кўз қорачиғидек асраб-авайлаш, бундай бебаҳо бойликни муттасил мазмунан бойитиб бориш, Ўзбекистон тараққиёти йўлида бир муштга жипслашиб, давлатимиз раҳбарига таянч ва суянч бўлиб хизмат қилиш, келгуси авлодларни шу руҳда камол топтириш муқаддас бурч эканлигини таъкидлаб ўтди.

Намойиш этилган фильм якунида Ички ишлар вазирлиги Шахсий хавфсизлик бош бошқармаси Сурхондарё вилояти бўйича бошқармаси бошлиғи подполковник Қ.Б.Самандаров ҳамда ходимларнинг оила аъзолари сўзга чиқишиб, намойиш этилган ушбу видеофильмдан ҳар бир ходим ўзига тегишлича хулоса чиқариб олишлари, тўғрсида таъкидлаб ўз фикр мулоҳазаларини учрашув иштирокчиларига билдириб ўтишди.

Тадбир сўнгида хизмат фаолияти давомида ижобий натижаларга эришиб ҳамкасбларига ўрнак бўлиб келаётган бир гуруҳ ходимларнинг ота-оналарига вилоят ички ишлар бошқармаси бошлиғининг ташаккурномалари ҳамда эсдалик совғалари тантанали равишда топширилди.