Сурхондарё вилояти ИИБ масъуллари иштирокида ИИВ Академияси курсантлари билан навбатдаги онлайн мастер-класс бўлиб ўтди.
2025 йилнинг 24 март куни Сурхондарё вилояти ИИБ бошлиғи ўринбосари, подполковник Шерзод Шадиев бошчилигида, бошқарма соҳавий хизмат масъуллари томонидан ИИВ Академияси ўқитувчилари ва курсантлари билан навбатдаги онлайн мастер-класс бўлиб ўтди.
Унда асосан, “Профилактика
инспекторларининг узоқ муддатга кетган шахслар билан ишлаш фаолияти, ушбу
йўналишда учраётган долзарб муаммолар ҳамда уларнинг ечимига доир профилактик
чора-тадбирлар”, “Очилмаган
жиноятларни фош этишда тезкор-қидирув ходимларининг бошқа соҳавий хизматлар
(Ҳуқуқбузарликлар профилактикаси, Тергов, ЭКБ, Пробация хизмати ва бошқалар)
билан ҳамкорлиги ҳамда ушбу соҳада юзага келаётган муаммолар”, “Одам савдоси ва одоб-ахлоқ доирасидаги
жиноятларни тергов қилишда терговчининг бошқа соҳавий хизмат ходимлари билан
ўзаро ҳамкорлиги ҳамда ушбу соҳада юзага келаётган муаммолар” мавзуларида таҳлилий
маълумотлар асосида маърузалар қилинди.
Шундан сўнг, маърузачилар ИИВ Академияси курсантлари томонидан берилган саволларга ҳаётий маълумотлар асосида батафсил жавоблар беришди.
