2025 yilning 24 mart kuni Surxondaryo viloyati IIB boshlig‘i o‘rinbosari, podpolkovnik Sherzod Shadiev boshchiligida, boshqarma sohaviy xizmat mas’ullari tomonidan IIV Akademiyasi o‘qituvchilari va kursantlari bilan navbatdagi onlayn master-klass bo‘lib o‘tdi.

Unda asosan, “Profilaktika inspektorlarining uzoq muddatga ketgan shaxslar bilan ishlash faoliyati, ushbu yo‘nalishda uchrayotgan dolzarb muammolar hamda ularning yechimiga doir profilaktik chora-tadbirlar”, “Ochilmagan jinoyatlarni fosh etishda tezkor-qidiruv xodimlarining boshqa sohaviy xizmatlar (Huquqbuzarliklar profilaktikasi, Tergov, EKB, Probatsiya xizmati va boshqalar) bilan hamkorligi hamda ushbu sohada yuzaga kelayotgan muammolar”, “Odam savdosi va odob-axloq doirasidagi jinoyatlarni tergov qilishda tergovchining boshqa sohaviy xizmat xodimlari bilan o‘zaro hamkorligi hamda ushbu sohada yuzaga kelayotgan muammolar” mavzularida tahliliy ma’lumotlar asosida ma’ruzalar qilindi.

Shundan so‘ng, ma’ruzachilar IIV Akademiyasi kursantlari tomonidan berilgan savollarga hayotiy ma’lumotlar asosida batafsil javoblar berishdi.