Сурхондарё вилояти ИИБ Маънавий-маърифий ишлар ва кадрлар билан таъминлаш хизмати Маънавий-маърифий ишлар бўлими Психологик таъминлаш гуруҳи мутахассис-психологлари ҳамда Ички ишлар вазирлиги Сурхондарё Академик лицейи психологи Халима Бекмуратовалар  ҳамкорликда  фуқаролар билан тўғридан-тўғри  мулоқотда бўладиган, махсус воситалар билан хизмат олиб борадиган ходимларнинг хизмат фаолиятини ўзига хос хусусиятларини инобатга олган ҳолда вилоят ИИБ Жамоат хавфсизлиги хизмати йўл ҳаракати хавфсизлиги бошқармаси таркибида хизмат олиб бораётган ходимларнинг хизмат самарадорлигини ва касбий билимларини ошириш, шахсий таркиб ўртасида соғлом маънавий-руҳий муҳит барқарорлигини таъминлаш, ходимларнинг индивидуал-психологик ҳусусиятларини ўрганиш, шунингдек уларнинг  мулоқот психологияси, муомала маданияти, ностандарт вазиятларда руҳий барқарорликни сақлашга доир зарур кўникмаларини шакллантиришга қаратилган психологик тренинг машғуотлари ўтказилди.

Шунингдек, ходимларга илмий психологик усулларни мақсадли қўллаш орқали жамоадаги соғлом муҳитни шакллантириш, турли стресс ва зиддиятли вазиятларга мошлашиш қобилиятини ривожлантириш ҳамда уларнинг жисмоний-руҳий тайёргарлигини ошириш бўйича тавсиялар берилди. Ҳар куни турли тоифа ва характердаги фуқаролар билан мулоқотда бўладиган ходимларнинг муомала маданияти юқори бўлиши лозим, шу боисдан психологлар томонидан ходимларга нотиқлик маданияти юзасидан тушунчалар бериб ўтилди.

Давра суҳбати давомида, ходимларнинг фуқаролар билан мулоқоти жараёнида йўл қўйиши мумкин бўлган камчиликларни бартараф этиш ва уларнинг муомала маданиятини ошириш бўйича шунингдек, турли стресс вазиятларига тушиб қолмаслик учун керак бўладиган психологик машқлар ҳақида  ходимларга маълумотлар берилиб, ушбу машқларни мунтазам амалга ошириб бориш ходимнинг руҳияти ва саломатлигига ижобий таъсир кўрсатиши таъкидлаб ўтилди.

Бундан ташқари, ходимлар психодиагностик текширувдан ўтказилиб, уларнинг психологик портретлари яратилди.

Сурхондарё вилояти ИИБда ходимлар билан ўтказилаётган психологик тадбирлар давом эттирилмоқда.