Бугунги кунда ички ишлар органларида хизмат қилаётган хотин-қизларни ҳар томонлама қўллаб-қувватлаш, жамоаларда уларнинг ўрни ва ролини ошириш, истеъдодларини намоён қилишларига имконият яратиш, келгусида ходималарнинг маънавий ва интеллектуал савиясини янада юксалтириш, касбий ва жисмоний тайёргарлигини такомиллаштириш, улар ўртасида соғлом рақобат муҳитини шакллантириш бўйича бир қатор манзилли чора-тадбирлар амалга оширилиб келинмоқда.

Ўзбекистон Республикаси Ички ишлар вазирининг 2025-йил 07-июл кунидаги тегишли буйруғига асосан, жорий йилнинг 26-июл куни Сурхондарё вилояти ички ишлар органларида хизмат олиб бораётган ходималар ўртасида “Ватан меҳри юрагимда” шиори остида “Тўмарис издошлари” республика мусобақасининг биринчи босқичи бўлиб ўтди.

Ушбу мусобақада иштирокчилар дастлаб, ПМ пистолетидан амалий ўқ отиш, ҳарбий тайёргарлик, жисмоний тайёргарлик, эрудиция ёки билимдонлик ва эпчил ва ораста бека шартлари асосида ўзаро беллашишди.

Мусобақанинг вилоят босқичи якунида ғолибликни қўлга киритган иштирокчилар, республика босқичида иштирок этиш йўлланмасини қўлга киритишди.

Бу каби мусобақаларни мунтазам равишда ташкиллаштириб бориш, тизимда хизмат олиб бораётган ходималар онгида тарихимиз, миллий анъаналаримиз ва урф одатларимизга бўлган чуқур ҳурмат ва эҳтиромни юксалтириш, доимо ғалабага бўлган интилиши ва ишончини, юқори жисмоний, жанговар-аҳлоқий руҳиятини ва юксак ватанпарварлик туйғусини шакллантиришда муҳим аҳамият касб этади.