Жорий йилнинг 10 июнь куни “Маънавият ойлиги” доирасида Сурхондарё вилояти Ички ишлар бошқармаси шахсий таркиби билан “Очиқлик – коррупциянинг олдини олишдаги муҳим восита” мавзусида “Маънавият ва маърифат” дарси ўтказилди.

Мавзу тафсилотлари юзасидан Термиз Давлат Университети Юридик факультети масъул ходими Б.Шаймардоновнинг маърузаси тингланди.

“Маънавият ва маърифат” дарси давомида, Республика ҳудудида ички ишлар органлари ходимлари томонидан ўтган бир ҳафта давомида содир этилган қонун ҳамда хизмат интизоми бузилиш ҳолатлари тўғрисидаги маълумотлар Ўзбекистон Республикаси ИИВ Шахсий хавфсизлик бош бошқармаси Сурхондарё вилояти бўйича бошқармаси масъул ходими томонидан шахсий таркибга ўқиб эшиттирилиб, баъзи ходимларнинг юриш туриши, хизмат интизоми, қонунчиликка қатъий риоя қилиши борасидаги хатти-ҳаракатлари танқид қилинди.

Шундан сўнг, хизмат ҳудудида жиноят ва ҳуқуқбузарликларни барвақт олдини олиш, жамоатчилик вакиллари, маҳалла фаоллари, фидокор ёшлар билан ўзаро ҳамкорликда ҳуқуқбузарликлар профилактикасини самарали ташкил этиб, содир этилган  жиноятларни иссиқ изидан фош этиш ҳамда қидирувда бўлган шахсларни қўлга олиб жазо муқаррарлигини таъминлашга эришган айрим профилактика инспектори Сурхондарё вилояти ИИБ бошлиғининг буйруғи билан энг кам ойлик иш хаққининг 10 (ўн) баробари миқдорида пул мукофти билан тақдирланди. Шунингдек, ички ишлар тизимида сафдошларига ўрнак бўлиб келаётган ҳамда спорт мусобақаларида юқори натижаларга эришган бир гуруҳ ички ишлар органлари ходимлари ташаккурнома, медал, диплом ва эсдалик совғалари билан тақдирланган бўлса, вилоят ҳудудида фаолият олиб бораётган 10 нафар профилактика инспекторларига Ўзбекистон Республикаси Ички ишлар Вазири ўринбосарининг тавсиясига асосан, Олий таълим муассасаларининг Юриспруденция йўналишига сиртқи таълимда таҳсил олишлари учун имтиёзли тавсияномалар тантанали равишда топширилди.

Сурхондарё вилояти ИИБ Ахборот хизмати