Сурхондарё вилояти Ички ишлар бошқармасида ўз хизмат мажбуриятларига сидқидилдан ёндошган, касбий, жанговар ва маънавий-марифий тайёргарликда юқори натижаларга эришган, ҳарбий интизомда намуна кўрсатган, ташаббускор ходимларнинг бир гуруҳини тақдирлаш маросими бўлиб ўтди. Улардан: Тезкор-қидирув хизмати терроризмга қарши курашиш бошқармаси мафкуравий тарғибот бўлими бошлиғи подполковник Д.Кенжаев;

Ҳарбий сафарбарлик бўлими бош инспектори подполковник Ш.Ашуров, Термиз шаҳар ички ишлар бошқармаси Тезкор-қидирув хизмати тоғли ва чегара ҳудудларидаги тезкор гуруҳи тезкор вакили капитан Д.Луковлар Жануби-ғарбий махсус ҳарбий округи жанубий оператив қўмондонлиги бошлиғининг фахрий ёрлиғи билан тақдирланди.

Фуқаролар ва жамоат ташкилотларини жамоат хавфсизлигини таминлаш, ҳуқуқбузарликлар профилактикаси ва жиноятчиликка  қарши  курашишдаги  фаол  иштироки  учун  Сурхондарё вилояти Жарқўрғон тумани “Наврўз” маҳалласи Охунбобоев кўчасида яшовчи жамоатчилик вакили Гулбахор Ахматова пул мукофоти билан рағбатлантириди.

Шунингдек, ўзига нисбатан пора таклиф қилиш ҳолатини тегишли тартибда хабар берганлиги учун вилоят ИИБ ҳузуридаги тергов бошқармаси ўта муҳим ишлар бўйича терговчиси майор А.Рахимов вилоят ИИБ бошлиғининг тегишли буйруғи билан пул мукофоти билан рағбатлантирилди.

Мамлакатимизда амалга оширилаётган кенг кўламли ислоҳотларда фаоллик кўрсатиб, ўзининг билим ва иқтидори, ташаббускорлиги, ҳалол ва самарали меҳнати билан Ватанимиз тараққиётига муносиб ҳисса қўшиб келаётганлиги, шунингдек, ёшларга оид давлат сиёсатини амалга оширишда ички ишлар органлари билан самарали ҳамкорликни йўлга қўйганлиги учун ҳамда 30 июнь – “Ёшлар куни” муносабати билан капитан Қ.Бегзод Ички ишлар вазирлигининг “Ёшлар фидойиси” кўкрак-нишони билан, лейтенант А.Амедова вазирлик “Фахрий ёрлиғи” билан тақдирланишди.

Яна бир гуруҳ “Юксак жанговар шайлик ва жисмоний тайёргарлик” шиори остида ички ишлар органлари ёш ходимлари ва ҳарбий хизматчиларининг 3-Республика Ёшлар форуми доирасида ёш ходимлар ўртасида ўтказилган “Ҳарбий эстафета” мусобақасида Сурхондарё вилоят ИИБ жамоаси фахрли 1-ўринни эгаллагани учун жамоанинг 10 нафар аъзолари, ёш ҳарбий хизматчилар ўртасида ўтказилган “Заковат” интеллектуал ўйинларида ғолиб бўлган вилоят ИИБ жамоасининг 6 нафар аъзоси пул мукофоти билан рағбатлантирилди.