Surxondaryo viloyati Ichki ishlar boshqarmasida o‘z xizmat majburiyatlariga sidqidildan yondoshgan, kasbiy, jangovar va ma’naviy-marifiy tayyorgarlikda yuqori natijalarga erishgan, harbiy intizomda namuna ko‘rsatgan, tashabbuskor xodimlarning bir guruhini taqdirlash marosimi bo‘lib o‘tdi. Ulardan: Tezkor-qidiruv xizmati terrorizmga qarshi kurashish boshqarmasi mafkuraviy targ‘ibot bo‘limi boshlig‘i podpolkovnik D.Kenjaev;

Harbiy safarbarlik bo‘limi bosh inspektori podpolkovnik Sh.Ashurov, Termiz shahar ichki ishlar boshqarmasi Tezkor-qidiruv xizmati tog‘li va chegara hududlaridagi tezkor guruhi tezkor vakili kapitan D.Lukovlar Janubi-g‘arbiy maxsus harbiy okrugi janubiy operativ qo‘mondonligi boshlig‘ining faxriy yorlig‘i bilan taqdirlandi.

Fuqarolar va jamoat tashkilotlarini jamoat xavfsizligini taminlash, huquqbuzarliklar profilaktikasi va jinoyatchilikka  qarshi  kurashishdagi  faol  ishtiroki  uchun  Surxondaryo viloyati Jarqo‘rg‘on tumani “Navro‘z” mahallasi Oxunboboev ko‘chasida yashovchi jamoatchilik vakili Gulbaxor Axmatova pul mukofoti bilan rag‘batlantiridi.

Shuningdek, o‘ziga nisbatan pora taklif qilish holatini tegishli tartibda xabar berganligi uchun viloyat IIB huzuridagi tergov boshqarmasi o‘ta muhim ishlar bo‘yicha tergovchisi mayor A.Raximov viloyat IIB boshlig‘ining tegishli buyrug‘i bilan pul mukofoti bilan rag‘batlantirildi.

Mamlakatimizda amalga oshirilayotgan keng ko‘lamli islohotlarda faollik ko‘rsatib, o‘zining bilim va iqtidori, tashabbuskorligi, halol va samarali mehnati bilan Vatanimiz taraqqiyotiga munosib hissa qo‘shib kelayotganligi, shuningdek, yoshlarga oid davlat siyosatini amalga oshirishda ichki ishlar organlari bilan samarali hamkorlikni yo‘lga qo‘yganligi uchun hamda 30 iyun – “Yoshlar kuni” munosabati bilan kapitan Q.Begzod Ichki ishlar vazirligining “Yoshlar fidoyisi” ko‘krak-nishoni bilan, leytenant A.Amedova vazirlik “Faxriy yorlig‘i” bilan taqdirlanishdi.

Yana bir guruh “Yuksak jangovar shaylik va jismoniy tayyorgarlik” shiori ostida ichki ishlar organlari yosh xodimlari va harbiy xizmatchilarining 3-Respublika Yoshlar forumi doirasida yosh xodimlar o‘rtasida o‘tkazilgan “Harbiy estafeta” musobaqasida Surxondaryo viloyat IIB jamoasi faxrli 1-o‘rinni egallagani uchun jamoaning 10 nafar a’zolari, yosh harbiy xizmatchilar o‘rtasida o‘tkazilgan “Zakovat” intellektual o‘yinlarida g‘olib bo‘lgan viloyat IIB jamoasining 6 nafar a’zosi pul mukofoti bilan rag‘batlantirildi.