Ўзбекистон Республикаси Президентининг “Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида”ги  Фармонига мувофиқ, Ўзбекистон Республикаси Вазирлар Маҳкамасининг 2021 йил 24 август кунидаги “Ички ишлар органларида энг яхши ходимларни аниқлаш бўйича республика танловини ташкил этиш чора-тадбирлари тўғрисида”ги  Қарори ҳамда Ўзбекистон Республикаси Тергов департаментининг тегишли кўрсатмасига мувофиқ Сурхондарё вилояти Ички ишлар органларида “Энг яхши терговчи” номинацияси бўйича танлов ўтказилди. Танлов жараёнида иштирокчилардан жисмоний тайёргарлик бўйича тўсинда тортиниш, 100  ва 1000 метрга югуриш синовлари, жанговар тайёргарлик бўйича якка кураш ва ўзини-ўзи ҳимоялаш  макаров пистолетини тўлиқсиз қисмларга ажратиш ва йиғиш,  пистолетидан ўқ отиш имкониятлари синовдан ўтказилди.  Шундан сўнг иштирокчиларнинг IQ даражаси ва психологик билим салоҳиятини белгилашга  қаратилган соҳага оид тест олинди.

Танлов якунида иштирокчилар билан Тергов бошқармаси раҳбарияти томонидан  суҳбат ўтказилди.

Якунда  3-ўринни вилоят ИИБ ҳузуридаги Тергов бошқармаси ўта муҳим ишлар бўйича терговчиси катта лейтенант Ражабов Отабек Искандар ўғли, 2-ўринни Денов туман ИИБ ҳузуридаги Тергов бўлими терговчиси катта лейтенант Мардонов Шохрух Олимжон ўғли ҳамда 1-ўринни Тергов бошқармаси ўта муҳим ишлар бўйича терговчиси капитан Қурбонов Жавохир Одил ўғлилар эгаллади.

 Албатта бу тадбирлар  ички ишлар органлари ходимлари фаолиятини янада рағбатлантириш, Ватан олдидаги шарафли бурчини адо этишдаги хизматлари учун уларни муносиб тақдирлаш, ходимлар ўртасида соғлом рақобат муҳитини шакллантиришда муҳим аҳамият касб этади.