Сурхондарё вилояти делегацияси Хитойда
Сурхондарё вилояти ва Хитой Халқ Республикаси ҳудудлари (Пекин шаҳри, Хэйлунцзян, Урумчи провинциялари) билан ташқи савдо алоқаларини ривожлантириш, ҳудуднинг иқтисодий салоҳиятини намойиш этиш, инвестиция ва туризмга оид тақдимотлар ўтказиш мақсадида вилоят делегацияси Хитой давлатига етиб борди.
Делегация таркибидан, вилоят ҳокимининг биринчи ўринбосари, ҳокимлар ҳамда йигирмадан ортиқ воҳалик салоҳиятли ишбилармон ва тадбиркорлар ўрин олишган.
Ташриф давомида қатор расмий учрашувлар, ҳудудлар билан инвестициялар, саноат, савдо ва туризм ҳамкорлиги истиқболларига бағишланган Форумларда қатнашиш, ишбилармон доира вакиллари ва салоҳиятли компаниялар билан “B2B” ва “G2B” форматдаги учрашувлар ўтказиш, йирик корхоналарнинг ишлаб чиқариш жараёнлари билан танишиш, маҳсулотлар ва савдо кўргазмасида иштирок этиш режалаштирилган.
Сурхондарё вилояти делегациясининг Хитой давлатига ташрифи жорий йил 15 августдан 18 августга қадар давом этади.
