Сурхондарё академик лицейида ота-оналар йиғилиши ташкил этилди
Жорий йилнинг 16-сентябр куни ИИВ Сурхондарё академик
лицейининг
2- босқич ўқувчилари
ота-оналари билан навбатдаги йиғилиш ўтказилди. Йиғилишда ИИВ Сурхондарё академик лицейи директори
Б.Бўриев
ҳамда лицей педагогик жамоаси, ўқувчилар ва уларнинг ота-оналари иштирок этишди.
Йиғилишдан кўзланган асосий мақсад 2023-2024 ўқув йилини ота-оналар билан
ҳамкорликда самарали ташкил этиш, ўқувчиларнинг маънавий дунёқарашини янада бойитиш
ва бугунги глобаллашув ахборот даврида ёшларимиз онгига салбий таъсир этиши мумкин бўлган ташқи омиллар ҳақида
суҳбат олиб борилди.
Бундан ташқари ота-оналар фарзандларининг чуқур билим
олишлари учун тарих, ҳуқуқ, ингилиз тили фанларидан лицейда ташкил этилган
тайёрлов маркази фаолияти ҳамда ўқитувчилари билан танишиб керакли тавсиялар олишди.
Йиғилиш сўнггида ўқув йили мобайнида юқори натижаларни қўлга киритган ўқувчиларнинг ота-оналарига лицей маъмурияти томонидан ташаккурномалар тақдим этилди.
