26 Декабр 2022 йил
381
Шўрчи туманидаги "Нурли маскан" мактаб интернатида Янги йил байрами нишонланди
Ҳар йили Янги йил байрами болажонлар қалбига ўзгача қувонч ва шодлик улашиб келиши унтилмас онлардан бири бўлиб қолади. Айниқса ўзгалар меҳри ва муҳаббатига муҳтож бўлган имконияти чекланган болажонлар бўлса. Улар ушбу кунни умри давомида ёдларидан чиқармасдан бир орзиқиш билан эслаб юришади.
Шўрчи туманидаги 125-сонли "Нурли маскан" мактаб интернатида янги йил кириб келиши муносабати билан ушбу масканда таълим ва тарбияланаётган ўғил-қизлар учун байрам тадбири ўтказилди.
Ўтказилган байрам тадбири давомида, мактаб интернати ўқувчиларига Ички ишлар органлари ходимлари томонидан янги йил совғалари улашилиб, туман маданият бўлими ходимлари томонидан уюштирилган концерт дастурлари болажонларга олам-олам қувонч бахшида этди.
