Жорий йилнинг 15-июл куни Ўзбекистон Республикаси Ички ишлар вазирининг 2021-йил 31-март кунидаги “Ички ишлар органлари тизимида “Заковат” интеллектуал ўйинларини ташкил этиш тўғрисида”ги тегишли буйруғи, ижросини таъминлаш мақсадида, Сурхондарё вилояти ИИБ Шимолий минтақавий ҳудуд  ички ишлар органларида хизмат олиб бораётган ходимлар ўртасида Сариосиё тумани марказида жойлашган   “Янги Ўзбекистон” боғида ташкил этилган “Заковат” интеллектуал ўйини  ўтказилди.

Унда Шимолий минтақавий ҳудуд таркибига кирувчи Денов тумани Ички ишлар бошқармаси, Олтинсой, Шўрчи, Узун ҳамда Сариосиё туман Ички ишлар бўлимлари шахсий таркибидан тузилган жами 5 та жамоа иштирок этиб, мазкур жамоалар ўртасида кечган баҳслар муросасиз беллашувларга бой тарзда бўлиб ўтди.

Беллашувлар натижасига кўра фахрли 3-ўринни, Сариосиё тумани жамоаси, фахрли 2-ўринни Денов тумани” жамоаси ҳамда 1-ўринни Узун тумани жамоаси  қўлга киритди.     

Мусобақанинг ғолиб ва совриндорлари бошқарма Шимолий минтақавий ҳудуд бошлиғининг диплом, бадиий китоблар жамланмаси ҳамда қимматбаҳо эсдалик совғалари билан тақдирланишди.

Бу каби интеллектуал ўйинларнинг ташкил этилиши ички ишлар органлари ходимларининг билим ва салоҳиятини интеллектуал қобиляти шунингдек ҳозиржавоблигини оширишга хизмат қилиши билан бирга ходимларнинг ўз билимлари устида ишлашлари, китоб ўқишга бўлган қизиқишларини ҳамда маънавий салоҳиятини янада юксалтиришга хизмат қилади.

Сурхондарё вилояти ИИБ Ахборот хизмати