Шеробод туманининг 3-сектор ҳудудида масъуллар аёлларнинг мурожаатларини уйма-уй юриб ўрганишди.
Шеробод туманида Вилоят маҳалла ва оилани қўллаб-қувватлаш бошқармаси бошлиғи биринчи ўринбосари З.Хидирова, 3-сектор раҳбари, туман ИИБ бошлиғи Ў.Шукуров, туман ҳокими ўринбосари - Маҳалла ва оилани қўллаб-қувватлаш бўлими бошлиғи Р. Холмирзаева ва бошқа мутасадди ташкилот вакиллари иштирокида 3-сектор ҳудудига қарашили "Истиқбол" маҳалласида "Аёллар дафтари"га киритилган хотин-қизларнинг бирма-бир хонадонларида бўлиб, улар билан суҳбат ўтказилди.
Масъуллар аёлларнинг мурожаатлари ва фикрларини тинглади. Суҳбат жараёнида иккинчи босқичда "Аёллар дафтари" рўйхатига олинган хотин-қизларининг саволларига атрофлича жавоблар орқали уларнинг муаммоларига ижобий ечимлар изланди. Шунингдек, тадбиркорлик фаолиятини бошлаш истагида бўлган хотин-қизларнинг таклифларини қўллаб-қувватлашди.
Сурхондарё вилояти ИИБ Ахборот хизмати
