1 Август 2023 йил
347
Шеробод туманида “Йўл қоидаси умр фойдаси!” шиори остида тарғибот тадбирлари ўтказилмоқда
Шеробод тумани ИИБ Жамоат хавфсизлиги хизмати Йўл ҳаракати хавфсизлиги ходимлари томонидан тунги вақтда йўлнинг қатнов қисмидан ҳаракатланишда мото, велосипед ҳамда мопед ҳайдовчиларига нур қайтарувчи нимчалар тақиб ҳаракатланиши бўйича тарғибот ишлари олиб борилмоқда.
Навбатдаги тарғибот тадбири давомида, тунги вақтда ҳаракатланиш учун велосипеднинг олд томонига оқ рангли нур қайтаргич ва чироқ, орқа томонига қизил рангли нур қайтаргич ва чироқ, ён томонларига эса зарғалдоқ ёки қизил рангли нур қайтаргич ўрнатилиши кераклиги, шу йўл орқали кўнгилсиз ҳодисалардан ўзларини асраш ва хавфсизлигини таъминлашлари тўғрисида тушунтиришлар берилди.
