1 Avgust 2023 yil
346
Sherobod tumanida “Yo‘l qoidasi umr foydasi!” shiori ostida targ‘ibot tadbirlari o‘tkazilmoqda
Sherobod tumani IIB Jamoat xavfsizligi xizmati Yo‘l harakati xavfsizligi xodimlari tomonidan tungi vaqtda yo‘lning qatnov qismidan harakatlanishda moto, velosiped hamda moped haydovchilariga nur qaytaruvchi nimchalar taqib harakatlanishi bo‘yicha targ‘ibot ishlari olib borilmoqda.
Navbatdagi targ‘ibot tadbiri davomida, tungi vaqtda harakatlanish uchun velosipedning old tomoniga oq rangli nur qaytargich va chiroq, orqa tomoniga qizil rangli nur qaytargich va chiroq, yon tomonlariga esa zarg‘aldoq yoki qizil rangli nur qaytargich o‘rnatilishi kerakligi, shu yo‘l orqali ko‘ngilsiz hodisalardan o‘zlarini asrash va xavfsizligini ta’minlashlari to‘g‘risida tushuntirishlar berildi.
