“Ички ишлар органларининг жамоат хавфсизлигини таъминлаш ва жиноятчиликка қарши курашиш соҳасидаги фаолиятини янада такомиллаштириш бўйича қўшимча ташкилий чора-тадбирлар тўғрисида”ги Президентимизнинг 2021 йил 2-апрелъ кунидаги 5050-сон қарорига мувофиқ Шеробод туманидаги 48 та маҳаллаларда хизмат олиб бораётган профилактика (катта) инспекторларининг иш вақтини тежаш ҳамда иш самарадорлигини ошириш, маҳалла ҳудудида криминоген вазиятни барқарорлаштириш мақсадида, туман ҳокими ҳар ойда тумандаги жами 48 та маҳаллаларда хизмат қилиб келаётган профилактика (катта) инспекторлари билан учрашиб, ҳудудда жамоат хавфсизлигини таъминлаш борасида қилиниётган ишлар ва муаммоли масалаларни ҳал этиш чораларини кўриб келмоқда.
Жумладан туман ҳокими З.Давлатов Президентимизнинг 5050-сон қарорга асосан ҳокимлик томонидан маҳаллий бюджет маблағлари ҳисобидан, моддий-техник воситалар билан таъминлаш борасида туманнинг мавжуд 48 та маҳаллаларида хизмат қилиб келаётган профилактика (катта) инспекторлари замонавий компютер қурилмалари ва бошқа зарурий мебель жихозлари билан таъминланди.
Туман ҳудудида фаолият олиб бораётган 48 нафар профилактика инспекторларига Хизматда фойдаланиш учун компютер жамланмаларини туман ИИБ бошлиғи, 3-сектор раҳбари подполковник Ў.Шукуров тантанали равишда топшириш асносида, хизмат давомида ўзининг меҳнати ва тиришқоқлиги билан хизматдошларига ўрнак бўлиб келаётган бир қатор ички ишлар органлари ходимлари рағбатлантирилиб, уларга эсдалик совғалари улашилди.

Сурхондарё вилояти ИИБ Ахборот хизмати