Шеробод туманида хайрли иш жажжи болажонларни шод этди
Аҳолининг ижтимоий ҳимояга муҳтож қатламларини моддий ва маънавий қўллаб-қувватлаш, жамиятда ўзаро меҳр-оқибат, ҳамжиҳатлик ва хайр-саҳоват муҳитини янада мустаҳкамлаш, вояга етмаганлар ҳуқуқларининг ҳимоясини таъминлаш борасида муайян ишлар амалга оширилмоқда.
Хусусан, Шеробод туман сектор раҳбарларининг ташаббуси билан бугун, 20 август куни туманнинг 3-сектор ҳудудидаги 13 нафар болажонларнинг суннат тўйлари ўтказилди.
Дастлаб, болажонлар билан туман Ички ишлар бўлими биносида учрашув ташкил этилиб, тўёна совғалари топширилди.
Шунингдек, энг сўнги русмдаги автомобиллар билан тумандаги Буюк аждодимиз, йирик муҳаддис ва етук аллома мажмуасига ташриф буюриб, Имом Абу Исо Муҳаммад Ат-Термизий қабрини зиёрат қилишди.
Шу билан бирга, тўй болажонлар ва уларнинг қариндошлари учун тумандаги "Ал-Амин" тантаналар саройида суннат тўйлари нишонланди.
